Mithumo 21:3 - Bhibhiliya Nya Guage

³ Na hi gu wona gidwane gya Kipre, hi di gi diga nyambade hi gu thonona litigo la Siriya. Ngalava yi di vbweta guya tshisa sombo siwoni ga Tiro, khavbo nethu hi nga ya tshigela avbo.

Mithumo 21:3 Iomraidhean Croise

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

Dzindzimo 45:12

A nata gwago nyamahegyane wa dhoropani ga Tiro a resa dzisagwati; avo va fumidego va nata gu luva gasi u kodza gu va girela wuhindzi.

Dzindzimo 87:4

Vbakari nya vathu va nyitigo, nyi na saya Vagipiti ni Vabhabhiloni; vathu va Filisitiya, Tiro ni Vaetiyopiya va na nonedza Jerusalema, va ganela, khavo: Vatshavbo va velegedwe yoyo.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Luka 10:13

“Libango lago Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi sodziside gale khu kotani nya sighoho sawe, va ambala dzisaku ni gu phorola nguma.

Luka 2:2

Gilovela gegi nya guphele gi giregide gikhati Kirino a nga bani ari mufumeli wa Siriya.

Mithumo 11:19

Ga gikhati gyogyo, vakhodwa va di phalalegide khu kotani nya tshanisa yi nga dugelela hwane nya gusongwe Sitefane. Va di vboha kala Fenisiya, Kipre ni Antiyokiya, va gu hevbudza mahungu ya Nungungulu ga Vajudha basi.

Mithumo 12:20

Herodhi a diri ni giviti ni vathu va Tiro ni Sidhoni. Gasi avo va di pwanana khu monyo moyo va mu yela, na va phede khu gu pwana ni Bhalasito, muphari nya ndranga ya mufumeli, va di ta lomba gurula kholu litigo lawe li di gu pharwa khu litigo la mufumeli.

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 15:23

Va di va ninga lidangalila leli, khavo: “Ethu vapostoli ni madhota, hi gu vandriyanu, hi ngu mi losani enu mwatshavbo vandruye va nya mayigo mu vbanyago Antiyokiya, ni Siriya, ni Silisiya. Seweni!

Mithumo 15:39

Gu di manega gu ganedzisana nya gukhongolo va hegisa khu gu hambana. Khavbo avbo, Bharinabha a di dzega Marko a khilela ngalava a gu hongola naye Kipre.

Mithumo 15:41

A di vbindra khu Siriya ni Silisiya a tiyisela mabandla.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Mithumo 21:16

Hi di bangaladzwa khu vandruye nya gukari va Sezareya, va nga hi yisa ndrangani ga mwama moyo wa Kipre nya gupwani khu Manasoni, mupizane wa gale. A di hi hakha gaya gwaye, hi khala vapfhumba vaye.

Mithumo 21:2

Hi di ya mana ngalava nya guhongole Fenisiya na yi gu khuga, hi bela umo hi hongola.

Mithumo 21:7

Khu Tiro hi di tshatugela Pitolemayidha, li hegisela avba liendro lathu khu matini. Hi diya losa vandruye va tigoni mule, hi gu khala navo litshigu rumba.

Mithumo 27:4

Na hi khugide khu Sidhoni, hi di ya dugela Wuronga ga gidwane gya Kipre, kholu phuvbo a diri ya dzibhoridhi.

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,