Mithumo 21:24 - Bhibhiliya Nya Guage

²⁴ Indra navo, u ya dzi agisa nuwe, u va livbela dzitsapawu nya guvidwe hungo. Kharato, vatshavbo va na dziti gukhavo khandri lisine esi si ganedwago khu mahungu yago, kholu va na wona nya gukhavo uwe u nga gu landrisa Nayo wa Mosi.

Mithumo 21:24 Iomraidhean Croise

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Joba 41:25

Mafuni gimwalo gilo gi fananago naye, kholu yi giridwe gasi yi si khali hwanga,

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Ekisodha 19:14

Khavbo avbo, Mosi a di tshiga khu gigomoni aya ga vathu. Uye a di agisa vathu, avo va di ya handza dzingandzu dzawe.

Mitengo 6:13

Owu khuwo nayo nya wunaziri; litshigu a tadzisago matshigu nya wunaziri waye, va na mu resa nyangwani nya Tshatsha nya Tshangano;

Mitengo 6:18

Khavbo avbo, Munaziri a na vila ndzudzu waye wu gu ni gifungo nya wunaziri vbanyangwatunu nya Tshatsha nya Tshangano, aya wu thela niloni yi vbisedwago umo miphaso nya gurule.

Mitengo 6:5

Matshigu yatshavbo nya wunaziri waye, gima a nga vidwi hungoni gwaye khu gisingwana; kala ma gu tadzisega matshigu a dzi hathedego gu thumela Pfhumu Nungungulu, a na bani nari muthu a agidego, a na diga ndzudzu waye wu dandra.

Mitengo 6:9

A gu tshuka afa muthu khu githugedza vbafuvbi gwaye, a nyenyeziswa hungo waye wu agisidwego khu gifungo nya wunaziri, uye a na vbalula ndzudzu waye khu litshigu nya gu dzi agise gwaye, a na wu vbalula khu litshigu nya livbandre na mavili.

Johane 11:55

Yi diri vbafuvbi Phasika nya Vajudha. Nya vangi va di gwela Jerusalema, gasi guya dzi agisa na yi si gu vbohi Phasika.

Johane 3:25

Gu di manega gu ganedzisana khu kotani nya guagiswe vbakari nya vapizane va Johane ni Vajudha nya gukari.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Mithumo 21:26

Pawulo a di dzega vama vale va vana, khu limbe litshigu a di hongola aya dzi agisa navo. Khavbo avbo, a di bela Nyumbani ga Nungungulu aya tivisa matshigu nya guhegise gu dzi agisa gwawe, avba moyo ni moyo a nga vbweta gu ningela mhamba nya guluve.

Mithumo 24:18

Va nyi mane Nyumbani ga Nungungulu, na nyi gu thuma silo sesi, na nyi dzi agiside khu Nayo, gima kha nya tshanganisa gidzemo ambari gu wusa pfilupfilu.

1 Vakorinto 9:20

Vbakari nya Vajudha, nyi dzi giride Mujudha nyi fela gu mana Vajudha. Ambari nyi dzitigo gukheni kha nyi fumedwi khu Nayo, nyi dzi vegide vbavbatshi nya Nayo khu gufela gu vbindrugedza Vajudha.

Vagalatiya 2:12

Kholu na va si gu vbohi vathu nya tsawa wa Jakobe, Pedro a di hodza ni va nya mayigo. Aholu, gikhati va nga vbohago, uye a di dzi pambula a si hodzi gambe navo, khu gu thava tsawa nya vale nya guhane wugwera.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”