Mithumo 20:2 - Bhibhiliya Nya Guage

² A di vboha malangani yatshavbo a holela ni gu tiyisela vandruye khu magana nya gululeke. A khuga khavbo aya vboha tigoni ga Gresiya;

Mithumo 20:2 Iomraidhean Croise

Zakariya 9:13

Kholu Eni nyi na ghwimba Judha kha nga wulaho, nyi khwandra Efrayimi kha nga giholoma; nyi na kutsedzela sanana sago uwe Siyoni, guya wugela sanana sago, uwe Gresiya! Uwe Siyoni u na fanana ni litshari la ndrena nya gukari.

Luka 3:18

Khu sihevbudzo nya nga esi ni simbe nya gutale Johane, a di gu hevbudza vathu Mahungu nya Yadi.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Mithumo 15:41

A di vbindra khu Siriya ni Silisiya a tiyisela mabandla.

Mithumo 16:12

Khu vbale hi di vboha Filipi, lidhoropa nya likhongolo la tigoni ga Makedhoniya gu nga bani gu fumwa khu Roma. Hi khade matshigwana nya gukari dhoropani mule.

Mithumo 17:1

Na va vbindride khu madhoropani ya Anfipoli ni Apoloniya, va di vboha dhoropani ga Tesalonika, umo yi nga bani yi romo nyumba nya nombelo nya Vajudha.

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 2:40

Khu magana yaya ni mambe nya mangi, Pedro a di gu fakaza ni gu va tiyisa, khuye: “Dzi vbanyiseni ga melana yoyu nya guwegele.”

Mithumo 20:1

Na li vbede ligwaha, Pawulo a di rana vapizane a va ninga sileletelo. A di va vbangana, a gu phara ndzila a hongola tigoni ga Makedhoniya.

Mithumo 20:11

Khavbo avbo, a di lita gambe vbatshani aya pila gibaba a hodza, a bhula navo gikhati nya gulaphe kala gugya. Ni dzimindru a di duga a hongola.

Mithumo 20:3

iyo a ngaya khala migima miraru. Vajudha va di hunga gikungo nya gu musonge, gikhati a nga dzi dongisela gu khilela ngalava a gu hongola Siriya. Pawulo na tugude, a di bwelela khu ndzila ya Makedhoniya.

1 Vakorinto 4:19

Aholu nyi nata iyo gwanu nugunugu, nyamba hwela, Nungungulu a gu nyi phasa. Khavbo nyi nata wonago, nasiri magana ya ava va dzi gugumugisago, aholu mithumo yawe.

Vakolosi 1:28

Hi ngu tivisa Kristo ga vathu vatshavbo. Hi ngu laya ni gu hevbudza vathu vatshavbo gasi va mane wuhengeli nya guvbelele ni Kristo.

1 Vatesalonika 2:11

Enu mu ngu dzitini nya gukhenu hi mi layide moyo ni moyo nga babe a layago gyanana gyaye.

1 Vatesalonika 2:3

Tshumayelo yathu khandri nya gukanganyise, ni gu nyenyezisa ni malipha.

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.