Mithumo 20:19 - Bhibhiliya Nya Guage

¹⁹ Nyi di thumela Pfhumu khu gu dzi sodzisa, ni gu saniseka vbakari nya sigaradzo ni silingo nya gugiredwe khu Vajudha.

Mithumo 20:19 Iomraidhean Croise

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye:

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Mithumo 17:13

Aholu, Vajudha va Tesalonika na va dzi tide gukhavo Pawulo a ngu tivisa Bhereya mahungu ya Nungungulu, va di hongola vaya kutsedzela vathu gu wusa pfilupfilu.

Mithumo 17:5

Vajudha va di tala khu lidiwo va gu ramba sighevenga, va wusa pfilupfilu dhoropani gwatshavbo. Va di bela ndrangani ga Jasoni va vbweta Pawulo ni Silasi gasi gu va yisa vbakari nya vathu.

Mithumo 20:3

iyo a ngaya khala migima miraru. Vajudha va di hunga gikungo nya gu musonge, gikhati a nga dzi dongisela gu khilela ngalava a gu hongola Siriya. Pawulo na tugude, a di bwelela khu ndzila ya Makedhoniya.

Mithumo 20:31

Khavbo avbo, dzi woneleni. Dundrugani gukhenu, rumba nya myaga miraru, gima kha nya garala khu gu luleka moyo ni moyo nya enu, na nyi gu lila wutshigu ni mihani.

Mithumo 21:27

Aholu, mari vbafuvbi ni gu vbela livbandre na mavili matshigu yale nya gu dzi agise, Vajudha nya gukari nya gute khu Aziya va di wona Pawulo Nyumbani ga Nungungulu. Khavbo avbo, va di wusa pfilupfilu vbakari nya vathu, va gu mu mola,

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Varoma 12:11

Thumani ngudzu, mu nga khalini vathu nya wugara. Dzi garadzeni khu gu thumela Pfhumu khu monyo watshavbo.

2 Vakorinto 2:4

Nyi mi lovedeni na nyi gu saniseka, monyo na wu gu vbisa, na nyi gu lila marongo. Esi nyi mi lovedego mu nga saniseki khiso, nyi di girela gukheni mu wone lihaladzo nyi gu nalo ga enu.

2 Vakorinto 3:5

Kha hi dzi kodzi gu ganela khethu ha gu gira esi khu mapimo yathu, ahihi; kholu mapimo yathu ma guta khu ga Nungungulu.

2 Vakorinto 7:5

Kholu gukhugela hi vboha tigoni ga Makedhoniya, gima kha hi mani ni gikhati nya guhefemule. Kholu ha gu wona sigaradzo maphuvbo yatshavbo: Mayunga ni guhambana ni vathu, khu vbavbandze; khu ndrani gu gugaradzega nya monyo.

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.

Vaefeso 6:7

Va thumeleni khu matsenya, nasiri khu mapimo nya guthumele vathu, aholu khu mapimo nya guthumele Pfhumu.

Vafilipi 3:18

Nyi mi embedeni dzinyondro dzingi, ni olu gambe nyi ngu engedza gu ganela khu gulila kheni, vbakari gwanu vomo nya vangi va dzi girago valala nya gihambano gya Kristo.

Vakolosi 3:24

Dzitini gukhenu Pfhumu a na mi tshatshazela a mi ninga guhodza thomba yaye. Enu mwa gu thumela Kristo a gu Pfhumu nya lisine.

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

2 Thimoti 1:4

Nyi ngu guti gulila gwago, nyi ngu dogorela gu gu wona gambe, gasi nyi tala khu gutsaka.

Jakobe 1:2

Vandriyangu, ni gevbini gilingo mu gi manago, tsakani, mu nengela.

1 Pedro 1:6

Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

Gutuledwa 7:15

Khiso si va girago va manega mbeli nya gikhalo nya wufumu wa Nungungulu, va mu thumela wutshigu ni mihani nyumbani gwaye. Wule a khadego vbagikhalotunu nya wufumu a na va vhikela khu mwedzi waye.