Mithumo 20:17 - Bhibhiliya Nya Guage

¹⁷ Pawulo, khu Mileto a di rumela mwango guya ranisa madhota nya libandla la Efeso, va ta wonana naye.

Mithumo 20:17 Iomraidhean Croise

Mithumo 11:30

Va di gira kharato va si rumela ga madhota khu mandzani ga Bharinabha ni Sawule.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

Mithumo 15:23

Va di va ninga lidangalila leli, khavo: “Ethu vapostoli ni madhota, hi gu vandriyanu, hi ngu mi losani enu mwatshavbo vandruye va nya mayigo mu vbanyago Antiyokiya, ni Siriya, ni Silisiya. Seweni!

Mithumo 15:4

Na va vbohide Jerusalema va di hakhwa gwadi khu libandla, ni Vapostoli, ni madhota, va tshamusela siliwugiso Nungungulu a nga girago khu avo.

Mithumo 15:6

Vapostoli ni madhota va di tshangana gasi gu hevbula mahungu yaya.

Mithumo 16:4

Madhoropani va nga vbindrago khumo, va di ningela sileletelo sa vapostoli ni madhota ya Jerusalema, va gu va khongotela gu si landrisa.

Mithumo 18:19

Va di vboha Efeso, avbo a ngaya hambana ni vangana vaye. Uye a gu hongola nyumbani nya nombelo aya ganedzisana ni Vajudha.

Mithumo 20:15

Na hi khugide khu siwoni mule, khu mindru gakone, hi di vbindra vbafuvbi ni gidwane gya Kiyosi. Gu vbela litshigu rumba, hi vboha siwoni ga Samosi. Khavbo, hi di vbindra hi ya ema tigoni ga Trogilo, na hi khugide khavba, hi vbedza litshigu rumba hi di vboha dhoropani ga Mileto.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.

Tito 1:5

Nyi gu tshide gidwane gya Kereta gasi u fela gu lulamisa esi si nga tshadego gu lulamiswa, ni gu vega vathangeli nya libandla madhoropani gwatshavbo. Alakanya sileletelo sangu:

Jakobe 5:14

A gu bani a gu dwala muthu, a na rane vathangeli nya Libandla vata gira milombelo ni gu mu todza mafura khu lina la Pfhumu.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

2 Johane 1:1

Eni lidhota nyi ngu lovela singalagadzi a hathidwego ni sanana saye, avo nyi va golago khu lisine; nasiri eni basi, aholu ni vatshavbo vale va litigo lisine, va ngu mi golani.

3 Johane 1:1

Eni, lidhota nya Libandla, nyi ngu losa Gayo nyi mu golago khu lisine.