Mithumo 2:5 - Bhibhiliya Nya Guage

⁵ Va di tshanganide Jerusalema Vajudha nya ndruda, nya gute khu mayigoni yatshavbo.

Mithumo 2:5 Iomraidhean Croise

Ekisodha 23:16

U na vegisa gambe nango nya Buzo nya guvbwere dzimbewu nya guphele nya thumo wago, nya sile u yadego thembweni gwago; ni buzo nya guvbwere dzimbewu guvbelani nya mwaga, gikhati u vbwerago dzimbewu dza thembweni gwago.

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Zakariya 8:18

Pfhumu Nungungulu nya Tshivba Yatshavbo, a di nyi embela, khuye:

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Luka 17:24

Kholu, kha nga gulasa nya ndzadzi, gu wenengedzago damboni gwatshavbo, gukhugela mahegiso kala mahegiso; kharato a na gira nuye Mwamana wa Muthu gikhati li na vbohago litshigu laye.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 24:18

Khavbo avbo, moyo wawe, nya gupwani khu Keleyofasi, a di hakha, khuye: “Ina khuwe basi u gu pfhumba, u hangwago khiso si nga dugelela tigoni momu ga Jerusalema matshigu yaya, gani?”

Johane 12:20

Vbakari nya vale va ngaya Jerusalema gasi guya khozela litshigu lile nya buzo, va diromo navo Vagreki.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 2:1

Na li vbohide litshigu nya Pentekosta, vatshavbo va di tshanganide wulanga wumowo.

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 8:2

Gikhati gyogyo, vathu nya githawo ni Nungungulu va di dzinga Sitefane va gira gililo nya gikhongolo.

Mithumo 8:27

Filipi a di khuga a phara ndzila a hongola. Khavbo avbo, moyo nya thenwa nya Muetiyopi, ndruna nya guthavisege ya Kandasi, mufumeli nya nyamayi wa Etiyopiya, a diri muthangeli nya thomba yatshavbo ya mufumeli. A di endrede Jerusalema guta khozela Nungungulu.

Dhewuteronome 2:25

Muhuno, nyi na phela gu thela likhulo ni hwanga khu uwe ga vathu va vbanyago mafuni; avo va na pwago ndruma yago va na ndrendremela ni gu thava mbeli gwago.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.