Mithumo 2:46 - Bhibhiliya Nya Guage

⁴⁶ Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 2:46 Iomraidhean Croise

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Matewu 6:22

“Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Luka 24:53

Va di khala gikhati gyatshavbo Nyumbani ga Nungungulu va gu rungudza Nungungulu.

Mithumo 16:34

Yi di va dzega yi bela navo nyumbani gwaye, yi va girela guhodza, yi nengela ni ngamu yaye yatshavbo khu kotani nya gukhodwe ga Nungungulu.

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Mithumo 20:7

Khu litshigu nya Sabhadho hi di tshangana gasi gu hodza dangamwedo gilalelo. Pawulo a nga bani a gu dongisela gu khuga khu mindru gakone, a di ganela ga vakhodwa, a laphisa tshumayelo kala vbakari nya wutshigu.

Mithumo 3:1

Pedro ni Johane va di gu gwela Nyumbani ga Nungungulu vaya gira nombelo nya silambo.

Mithumo 5:21

Na va pwide silo sesi, va di bela Nyumbani ga Nungungulu ni marandragugya va phela gu hevbudza. Na vbohide Muphasi nya khongolo ni ava a nga bani ari navo, va di ramba madhota ni manganagana yatshavbo ya na Israyeli, va gu rumela guya dzega Vapostoli pasoni, gasi guta va lamula.

Mithumo 5:42

Va di si garali khu gu hevbudza matshigu yatshavbo Nyumbani ya Nungungulu ni dzidrangani, ni gu huwelela mahungu yadi nya gupwani Jesu khuye Kristo.

Varoma 12:8

oyu a ningidwego wusingalagadzi, a na laye; oyu a ningidwego gukabanisela silo, a na kabanisele khu wuhindzi; oyu a rumago, a na rume khu mapimo; ni oyu a ningidwego sisiwana, a na thume na tsakide.

1 Vakorinto 10:16

Gasi gikombe nya gikategiso hi rungudzago khigyo, khandri wuhengeli Novbani wa Kristo, gani? Ahati gibaba hi pilago, khandri wuhengeli givilini gya Kristo, gani?

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

Vaefeso 6:5

Enu sithumi, yingelani khu monyo wanu watshavbo ava mu va thumelago mafuni momu, khu githawo ni gu dzi sodzisa nga khwatshi mwa gu thumelani Kristo.

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

Dhewuteronome 12:7

Avbovbo, mu naya hodza mbeli ga Pfhumu Nungungulu wanu, mu naya nengela khu satshavbo mu na guya girago enu gumogo ni mapango yanu, mu nengela khu satshavbo esi a na bani a mi kategiside khiso Pfhumu Nungungulu wanu.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.