Mithumo 2:45 - Bhibhiliya Nya Guage

⁴⁵ va di rengisa sipeto ni dzithomba dzawe va gu kabanisela tengo wakone gu khedza khu sigaradzo nya muthu ni muthu.

Mithumo 2:45 Iomraidhean Croise

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Matewu 19:21

Jesu a di mu embela, khuye: “Wa guvbweta gu khala muthu a vbeledego, indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya isoso, delu uta nyi landrela.”

Luka 16:9

Eni neni nyi ngu mi embelani, kheni: Thangani wupari khu dzithomba dza tigoni momu, gasi na dzi vbede, mu ya hakhwe khu dzipari dzodzo Ndzadzini.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 19:8

Zakewu a di khuga a ema a embela Pfhumu, khuye: “Pfhumu, nyi na kabanisela sisiwana gipandre nya thomba yangu, nya gu bani nyi kanganyiside muthuyo, nyi na mu livba nyondro dzina.”

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Mithumo 4:34

Vbakari gwawe gu diri mwalo gisiwana, kholu vale va nga bani vari ni sipeto ni dzinyumba va di rengisela va gu resa dzitsapawu dzakone,

Mithumo 4:35

va ta dzi vega migondroni ya Vapostoli, va gu kabanisela muthu ni muthu maningano ni sigaradzo saye.

2 Vakorinto 9:1

Khu mahungu nya giphaso nya gugirele sihathwa, kha gu vbwetegi gu mi lovelani gambe khayo.

2 Vakorinto 9:9

Nga edzi yi ganelago khidzo Milowo nya Guage, khiyo: “Uye ningide sisiwana khu wuhindzi. Wuwadi Waye wu ngu simama kala gupindruga.”

1 Johane 3:17

Muthu a gu gitetema, a gu wona ndriyaye nari ni wusiwana, aholu a sega monyo waye, a si mu ningi gilo, a na tiya kharini gu ganela khuye a ngu haladza Nungungulu?