Mithumo 2:40 - Bhibhiliya Nya Guage

⁴⁰ Khu magana yaya ni mambe nya mangi, Pedro a di gu fakaza ni gu va tiyisa, khuye: “Dzi vbanyiseni ga melana yoyu nya guwegele.”

Mithumo 2:40 Iomraidhean Croise

Mavingu 9:6

Hambanani ni va nya guvivbedwa khu monyo, mu na vbanya, gimbilani khu ndzila nya mapimo.”

Jeremiya 51:45

Enu vathu vangu dugani vbakari gwaye! Muthu ni muthu a na vbanyise womi waye, thavani likhulo nya guthise la Pfhumu Nungungulu.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Luka 16:28

kholu nyi na ni livbandre vandruye, gasi aya va laya va siti navo wulangani wowu nya gusaniseke.

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Johane 21:25

Somo simbe silo nya singi Jesu a si giridego. Nari pwani si di lovidwe khu gimwegyo ni gimwegyo, nyi ngu tiyisa gukheni ambari litigo latshavbo li diri lidugwana gasi gu vegedzela umo mabhuku yakone.

Mithumo 10:42

Khuye a hi rumidego gu gimbila hi tivisa Ivhangeli ga vathu ni gu fakaza gukhethu uye khuye wule a nga vegwago khu Nungungulu kha nga mulamuli nya va nya guvbanya ni va nya gufa.

Mithumo 15:32

Judha ni Silasi va nga bani vari vaprofeti navo, va di luleka vandruye va gu va tiyisela khu magana nya mangi.

Mithumo 20:11

Khavbo avbo, a di lita gambe vbatshani aya pila gibaba a hodza, a bhula navo gikhati nya gulaphe kala gugya. Ni dzimindru a di duga a hongola.

Mithumo 20:2

A di vboha malangani yatshavbo a holela ni gu tiyisela vandruye khu magana nya gululeke. A khuga khavbo aya vboha tigoni ga Gresiya;

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 20:9

gikhwathana gimwegyo nya gupwani khu Ewutiko gi nga bani gi khade khu vbajanelatunu, gi di wongomedwa khu ligovbe. Kha nga olu Pawulo a nga simamisa gu ganela, gikhwathana gi di padwa khu ligovbe, gi thega vbavbatshi khu gitezi nya wuraru. Vata gi khusa na gi fude.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Vagalatiya 5:3

Nyi engedza gambe gu embela vale va hanago wugwera, kheni: Avo va hungidwe khu giguruvedzo nya gulandrise Nayo.

Vaefeso 4:17

Esi nyi mi tivisago ni gu mi laya khu lina la Pfhumu, khesi: Mu nga vbanyi gambe kha nga va nya mayigo va landrisago maalakanyo yawe nyamba phasa gilo,

Dhewuteronome 32:5

Si Mu ghohede, sanana Saye nya guwegele, khu guralo kha muri sanana saye, aholu mu gilo gyaye, nya gunyenyeze; gitugulwana nya guwegele ni malipha.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

1 Vatesalonika 2:11

Enu mu ngu dzitini nya gukhenu hi mi layide moyo ni moyo nga babe a layago gyanana gyaye.

1 Thimoti 4:16

Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

1 Pedro 5:12

Nya gu mi lovela lidangalila leli na nyi gu phasedzedwa khu Silivhano, uye khu mawonelo yangu a gu ndruye nya gutumbege. Nya gu vbweta gu mi tiyisela ni gu mi ningani wufakazi nya gukheni makategwa mu ma hakhidego giyeyedzo nya lisine nya wuhigo wa Nungungulu. Simamani mu tiya ga wuhigo wowo.