Mithumo 2:39 - Bhibhiliya Nya Guage

³⁹ Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Mithumo 2:39 Iomraidhean Croise

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Isaya 57:19

Nyi na va embela vatshavbo, kheni: “Gurula ga vale va guromo hwindzo ni vale va guromo vbafuvbi.” Eni nyi na va vbanyisa, a ngu ganela Pfhumu Nungungulu.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 59:20

Mutshudzisi a nata Siyoni, ni ga va na Jakobe va na gu vbindrugedzago va dzi laya khu sighoho sawe, a ngu ganela Pfhumu Nungungulu.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Mithumo 15:14

Simoni ganede khu edzi Nungungulu, gukhugela guhegulani, a hathidego khidzo vbakari nya va nya mayigo vale va nga ranwago vathu vaye.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 15:8

Uye Nungungulu atigo myonyo, a va girede wukustumunyu, khu gu va ninga Liphuvbo nya Guage kha nga a nga hi ningago ethu.

Varoma 11:29

Kholu Nungungulu kha vbindrugedzi mapimo yaye ga ava a va hathidego ni gu va kategisa.

Varoma 8:30

a va a nga bani a va hathide khu gale. Avo a nga va ranago a va giride vathu nya gululame, a va ninga wuhigo nya guhengele wudhumoni gwaye.

Varoma 9:24

Ethu khethu vale va ranidwego khu Nungungulu nasiri basi vbakari nya Vajudha, aholu ni vbakari nya va nya mayigo gambe.

Varoma 9:4

Avo sivelegwa sa Israyeli. Nungungulu a va giride sanana saye, a wuya a va kategisa khu gu khala vbakari gwawe ni wudhumo waye; hungide navo gidzumeledzwano, a va ninga Nayo, ni wukhozeli; ni situmbiso.

1 Vakorinto 7:14

Kholu, mwama a si gu mukhodwa a ngu agiswa khu gukhodwa ga mwangadzi waye. Anuye nyamayi a si gu mukhodwa a ngu agiswa khu gukhodwa ga mwama waye. Nasiri guralo, sanana sanu si di hadza gu velegedwa gighohoni, aholu si agisidwe.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Vaefeso 4:4

Gyomo givili gimwegyo basi, ni Liphuvbo limwedo basi, kha nga gambe a gu gimwegyo basi gitumbo mu ranedwego igyo khu Nungungulu.

Dhewuteronome 29:15

Enu mu ngu dziti gwadi edzi hi nga vbanyisa idzo tigoni ga Egipito, ni esi hi nga si manago vbakari nya mayigo hi nga ma tsemakanyago.

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Vahebheru 3:1

Khu guralo, vandriyangu khu gukhodwa, enu mu ranidwego nenu khu Nungungulu, khusani maho mu khedza Jesu a rumedwego khu Nungungulu, guta khala Muphasi nya Khongolo nya mhamba nya gukhodwe hi gu sambanyago.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

2 Pedro 1:10

Khu guralo, vandriyangu, zamani, mu simama gutiya guranwani gwanu, ni guhathwani gwanu. Mwa gu girani kharato, gima kha mu na tshunganiswa mu thega.

2 Pedro 1:3

Tshivba ya Nungungulu yi ngu hi ninga satshavbo hi si vbwetago gasi hi vbanye khu mavbanyelo nya yadi nya gutsakise Nungungulu, khu guti wule a hi ranidego guta hengela wudhumo ni wuwadi waye.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:9

Khavbo avbo, ngilozi yi di nyi embela, khigyo: “Lova, khuwe: Va kategide vale va ranidwego guta hodza buzo nya mutshadho wa Nvutana.” Yi di engedza yi nyi embela, khiyo: “Aya khu magana nya lisine ya Nungungulu.”