Mithumo 2:38 - Bhibhiliya Nya Guage

³⁸ Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 2:38 Iomraidhean Croise

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 59:20

Mutshudzisi a nata Siyoni, ni ga va na Jakobe va na gu vbindrugedzago va dzi laya khu sighoho sawe, a ngu ganela Pfhumu Nungungulu.

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 3:6

vaya bhapatiswa khuye tsongoni wa Joridhani, na va gu dawulela sighoho sawe.

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Marko 1:15

“Ma tadzisegide matshigu, Mufumo wa Nungungulu womo vbafuvbi. Vbindrugedzani mavbanyelo, mu khodwe khu Mahungu nya Yadi.”

Marko 16:16

Oyu a khodwago a bhapatiswa, a na vbanyiswa; gasi oyu a si khodwigo a na mbemba.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 3:10

Khavbo avbo, vathu va di mu wudzisa, khavo: “Hi na rini olu?”

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Mithumo 10:48

A di ruma khuye va bhapatiswe khu Lina la Jesu Kristo. Khavbo avbo, avo va di mu lomba gu khala naye matshigwana.

Mithumo 13:38

Khalani na mu gu dziti, vandruye, gukhenu gutsetseledwa nya sighoho gwa gu tiviswa khu lina laye.

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 22:16

U nga gu virela gambe ginani, khuga u bhapatiswe, u handzwe sighoho sago khu gu lombelela khu lina laye.’

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Mithumo 8:12

Aholu gikhati va nga tshumayedwa khu Filipi Mahungu nya Yadi nya Mufumo wa Nungungulu ni gu hevbudzwa khu Lina la Jesu Kristo, vama ni vanyamayi va di khodwa, va gu bhapatiswa.

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

Varoma 6:3

Ina kha mu dzitini nya gukhenu ethu hatshavbo hi bhapatisidwego ga Jesu Kristo, hi bhapatisidwe gambe naye gufani gwaye, gani?

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.