Mithumo 2:37 - Bhibhiliya Nya Guage

³⁷ Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Mithumo 2:37 Iomraidhean Croise

Dzindzimo 73:21

Avbo monyo wangu wu nga vbisega wu khunguvanyega hefemulo wangu,

Muhevbudzi 12:11

Magana nya vathu va gengedego ma gu fanana ni dzitshingano, kha nga dzikhogo dzi khokhotedwego dzi tiya: Magana yaya na ma gu tshamusedwa khu muhavisi moyo basi.

Isaya 21:12

Mukhedziseli a di phindrula, khuye: “Avbo gugyago, gwa guta gambe wutshigu; mwa guvbweta gu wudzisa nyaluphye, mu ngu dzi kodza guta muta wudzisa.”

Ezekiyeli 7:16

Vatshavbo va na vbulugago gufa va na tutumela sigomoni na va gu lila kha nga sipomba si guromo kovani, moyo ni moyo a lila khu kota nya sighoho saye.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Luka 3:10

Khavbo avbo, vathu va di mu wudzisa, khavo: “Hi na rini olu?”

Luka 3:12

Va diya navo vahengisi nya khupho, gasi guya bhapatiswa. Vaya mu wudzisa, khavo: “Muhevbudzi, ginani hi fanelago gu gira?”

Luka 3:14

Masotshwa nayo ma diya wudzisa, khayo: “Ahati ethu, ginani hi fanedego gu gira?” A di ma hakha, khuye: “Mu nga phangi muthu, mu nga mu singedzi malipha, mu nga dwaneli gimbe gilo, vbavbandze nya iso mu hakhiswago khu mufumo.”

Johane 8:9

Na va pwide magana yaya, va di phalalega khu moyo ni moyo, gu phela khu vakhongolo, gu tshala basi Jesu ni nyamayi wule a nga bani a emide vbakari.

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Mithumo 22:10

Khavbo avbo, nyi di wudzisa, kheni: ‘Nyi rini olu, Pfhumu?’ Pfhumu yi di nyi embela, khiyo: ‘Khuga u bele Dhamasiko, iyo va na gu embela satshavbo esi u yelago gu si gira.’

Mithumo 5:33

Na va pwide esi, va di dzi hodzedzela khu wuvi, va gu hunga makungo nya gu va songe.

Mithumo 7:54

Na va pwide magana yaya va di khunguvanyega myonyoni gwawe, va gu khukhurusela magwaha Sitefane khu likhulo.

Varoma 7:9

Gyomo gikhati eni nyi nga vbanya nyambana Nayo. Aholu gikhati wu nga dugago Nayo, gighoho gi di phela gu vbanya,