Mithumo 2:3 - Bhibhiliya Nya Guage

³ Khavbo avbo, gu di tumbuluga kha nga malimi nya malavbelavbe nya nilo ma gu dzi kabanisela, gu mbaka limwedo vbatshani ga moyo ni moyo.

Mithumo 2:3 Iomraidhean Croise

Genesi 11:6

Khavbo avbo, Pfhumu Nungungulu a di ganela, khuye: “Avo vatshavbo lifumbu limwedo basi, gambe vatshavbo va gu ganela lidimi limwedo basi. Olu va giride esi, gukhugela olu mwalo gambe a na dzi kodzago gu va thindrekisa gugira ni gevbini va na gu gi alakanyago.

Dzindzimo 55:9

Pfhumu, pfhungumula ni gu fuvisa milayo yawe, kholu nya gu wona wughevenga ni siregera dhoropani.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 23:29

Pfhumu Nungungulu a ngu ganela, khuye: Ina magana yangu khandri ma gu vbisa gu fanana ni nilo, mwendro gikhokhotho gi pandrago siwindri, gani?

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Matewu 3:15

Aholu Jesu a di mu hakha, khuye: “Si dige isoso. Gu vbwetega hi landrise, kharati, fanelo nya gululame gwatshavbo.” Khavbo avbo, Johane a di dzumela.

Luka 24:32

Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 2:11

Vajudha nya mavelego ni vale va nga dzi vbindrugedza va dzi gira Vajudha, vathu va Kereta ni va Arabhiya, hatshavbo hi ngu vapwa na va gu huwelela siliwugiso sa Nungungulu khu malimi yathu.”

Mithumo 2:2

Khu githugedza, gu di gira ligwaha na li gu tshiga khu Ndzadzini, gu di pwala gufurugedza liphuvbo nya tshivba li gu tadza nyumba va nga bani vari umo.

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

1 Vakorinto 12:10

mumbe a gu ningwa tshivba nya gugire siliwugiso, mumbe a ningwa gu ganela khu lina la Nungungulu, mumbe a ningwa gupima maphuvbo; mumbe a gu ningwa gu ganela malimi nya guhambanelane, mumbe a ningwa gukodza gutshamusela malimi.

Jakobe 3:6

Lidimi li khade nga nilo. Litigo nya guvivbe li gu na ni wulanga givilini gwathu, li ngu nyenyezisa wurumba wathu watshavbo. Na li khondrisidwe khu nilo wa Sathane, li ngu dzi kodza guvbisa guvbanya gwathu gwatshavbo.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Gutuledwa 14:6

Nyi di wona gambe yimbe ngilozi na yi gu vbuvba ndzadzini. Yi diri ni Mahungu nya Yadi nya gupindruge, guta embela vathu va vbanyago mafuni, nya mafumbu, ni mahundzu, ni malimi yatshavbo.