Mithumo 2:24 - Bhibhiliya Nya Guage

²⁴ Aholu Nungungulu a mu wuside khu ga vafudego, a mu vbulugisa gusanisekani nya lufu, kholu a di si yedwi khu gu fumedwa khu tshivba nya lufu.

Mithumo 2:24 Iomraidhean Croise

Dzindzimo 116:16

Uwe Pfhumu Nungungulu, eni nyi githumi gyago, nyi gyanana gya githumi gyago nya nyamayi; uwe u kavilede dzitshinga nyi nga bani nyi hungidwe khidzo.

Isaya 10:7

Aholu, Vaasiriya khandriso va nga si pimisago khu myonyoni gwawe, avo va di alakanya gu mbembisa, ni gu sasela mayigo nya gutale.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Johane 10:18

Kha nyi dzegedwi khu muthu; kheni mune nyi wu ningelago. Nyi ngu dzi kodza gu wu ningela ni gu wu dzega nyaluphye. Khiso esi sileletelo nyi nga ningwa khu Babe.”

Johane 10:35

Milowo nya Guage kha yi fuvi. Nungungulu a gu rana khuye vanungungulu vathu vale va hakhago mahungu yaye.

Johane 12:39

Iso si nga va gira va si khodwi, khu magana a nga ganela gambe Isaya, khuye:

Johane 20:9

Va di si gu yi pimisi gwadi milowo yile, yi gu, khiyo: “Uye a na wuga khu ga vafudego.”

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Mithumo 13:30

Aholu, Nungungulu a mu wuside khu ga vafudego.

Mithumo 13:37

Aholu, oyu Nungungulu a nga mu wusago, kha wona guhina.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Mithumo 2:32

Wonani gwadi, Nungungulu wuside Jesu khu ga vafudego, ethu avba mu hi wonago, hi dzifakazi nya mahungu yaya.

Mithumo 3:15

Mu songiside guralo Pfhumu yi ningago guvbanya. Aholu, Nungungulu a mu wuside khu ga vafudego; ethu avba hi dzifakazi nya sigiro soso.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 4:10

khalani na mu gu dziti enu mwatshavbo, enu ni vathu vatshavbo va Israyeli, nya gukhenu: Khu lina la Jesu Kristo wa Nazareta mu nga mu khokhothelani enu vbagihambanotunu, aholu Nungungulu a mu wusidego khu ga vafudego. Khu tshivba ya Jesu muthu yoyu a dzi kodzide gu khuga a ema vbakari gwanu na hawulugile.

Mithumo 5:30

Nungungulu wa vababe vathu wuside Jesu khu ga vafudego, oyu enu mu nga mu songa mu mu khokhothela vbagihambanotunu.

Varoma 10:9

Wa gu fakaza khu likana lago khuwe Jesu khuye Pfhumu, gumogo ni gu khodwa monyoni gwago khuwe Nungungulu a mu wuside khu ga vafudego, u na vbanyiswa.

Varoma 14:9

Kholu, Kristo fude, a wuga, a vbanya gasi gu khala Pfhumu nya va nya gufa ni va nya guvbanya.

Varoma 4:24

Aholu gu lovidwe nugo khu kotani gwathu. Kholu a ngu hi wona nethu kha nga vathu nya gululame, ethu hi khodwago ga wule a wugidego khu ga vafudego, Jesu Kristo, Pfhumu yathu.

Varoma 6:4

Khu gu bhapatiswa hi dzingidwe gumogo ni Kristo, hi gu hengela naye gufani gwaye. Gasi hi dzi kodza nethu gu vbanya khu mavbanyelo nya maphya nya nga ya Kristo a wugidego khu ga vafudego khu tshivba ya Nungungulu Babe.

Varoma 8:11

Mwa gu bani muri ni Liphuvbo la wule a nga wusago Kristo khu ga vafudego a mu wuyisa guvbanyani, uye a wusidego Kristo, a na wusa niso sivili sanu nya gufe khu tshivba nya Liphuvbo nya Guage li vbanyago ndrani gwanu.

Varoma 8:34

Khu mani a na va ningago nandru? Khu Jesu Kristo, a gu uye a ngafago a wuga, a khadego khu nyamudye ga Nungungulu a lombelela khu ethu, gani?

1 Vakorinto 15:12

Ethu hi ngu tivisa gukhethu Kristo wugide khu ga va fudego, khu ginani vambe va gukhavo va nya gufa kha va wugi?

1 Vakorinto 15:15

A gu bani ari kharato, ethu hi khade dzifakazi nya malipha dza Nungungulu. Hi tiviside gukhethu Nungungulu wuside Kristo khu ga va fudego, nari malipha, a gu bani nari lisine gupwani va nya gufa kha va wugi.

1 Vakorinto 15:20

Aholu, Kristo wugide, khu lisine, khuye matiwula nya guwuge ga vafudego.

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.

1 Vakorinto 6:14

Uye Nungungulu a wusidego Pfhumu a na hi wusa nethu khu tshivba yaye.

2 Vakorinto 4:14

Hi ngu dziti nya gukhethu Uye a nga wusa Jesu, a na hi wusa nethu gumogo ni Uye, a na hi emisa gumogo ni enu mbeli gwaye.

Vagalatiya 1:1

Eni Pawulo, nyi ranidwego gu khala mupostoli, khandri nyi di ranwa khu vathu, mwendro khu guruma nya muthu, aholu nyi di ranwa khu Jesu Kristo ni Nungungulu Babe, a nga wusago Jesu khu ga vafudego;

Vaefeso 1:20

khu guwusa Kristo khu ga vafudego, a gu mu khadzisa nyamudye gwaye Ndzadzini.

Vakolosi 2:12

Gikhati mu nga bhapatiswa, mu dzingidwe gumogo ni Kristo, mu gu wuga gambe naye kholu mu ngu khodwa ga tshivba ya Nungungulu a mu wusidego.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”