Mithumo 2:20 - Bhibhiliya Nya Guage

²⁰ Lidambo li na vbindrugedza li khala gidema gasi ngima wu na fuvila wu khala nga novba. Na li si gu vbohi litshigu la Pfhumu: Litshigu likhongolo, litshigu nya gidhumo.

Mithumo 2:20 Iomraidhean Croise

Isaya 13:10

Kholu dzinyeledzi ni dzithandra dzaye, kha dzi na wenengedza gambe; lidambo li na pfhupedziswa li nga gu duga, ni ngima kha wu na wenengedza gambe.

Isaya 13:15

Uye a na manwago a na songwa, vatshavbo va na modwa va paywa khu matshari.

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Jeremiya 4:23

Nyi di khedza mafuni, nyi gu wona na guri mwalo giwumbelo; nyi khedza ndzadzini, gu diri mwalo guwonegela.

Joyele 2:1

Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Joyele 3:14

Sidzemo ni sidzemo nya vathu si tade kovani gu lamuledwago mahungu! Kholu litshigu la Pfhumu Nungungulu lomo vbafuvbi, li na vboha kovani gu lamuledwago umo mahungu.

Amosi 8:9

Khu litshigu lolo, a ngu ganela Pfhumu Nungungulu, Lidambo li na pfola gu ngari vbakari nya mihani, tigoni gu na sivbala khu gidema gu ngari safa nya mihani.

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Matewu 27:45

Gukhugela midiya kala ni silambo gu di manega gidema tigoni gwatshavbo.

Marko 13:24

“Khu matshigu yoyo, hwane nya tshanisa yeyi, lidambo li na sivbala, ngima kha wu na wenengedza.

Luka 21:25

“Gi na manega giwonegiso damboni, ngimani numo nya dzinyeledzi; mafuni gu na manega tshanisa vbakari nya mayigo, ma na thedwago rerema khu gudzuma nya mavimbi ya linene,

Mithumo 2:19

Nyi na wonegisa siliwugiso vbatshani, Ndzadzini, ni siwonegiso vbavbatshi, mafuni; Novba, nilo ni hunguva nya wutshi.

Mithumo 2:21

Muthu watshavbo a gu lombelela khu lina la Pfhumu a na vbanyiswa.’

1 Vakorinto 5:5

hi ningele mwama yoyo ga Sathane, gifela gu pfhungumudwa givili gyaye, mwendro saye wu na vbanyiswa hefemulo waye, litshigu Pfhumu a natago.

1 Vatesalonika 5:2

Enu mu ngu dziti gwadi nya gukhenu litshigu la Pfhumu li nata nga mbafa, vbakari nya wutshigu.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

2 Pedro 3:7

Aholu, ndzadzi ni mafu si guromo olu si vegisedwe khu lito la limwedo, guta pfhungumudwa khu nilo. Si vegisedwe litshigu nya gulamudwe ni gumbembiswa ga va nya guvivba.

Gutuledwa 16:8

Ngilozi nya wu na yi di vbaladza gikombe gyaye damboni, yi ningwa tshivba nya guvbise vathu khu nilo.

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.