Mithumo 2:17 - Bhibhiliya Nya Guage

¹⁷ ‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Mithumo 2:17 Iomraidhean Croise

Genesi 49:1

Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

Dzindzimo 65:2

Uwe u yingisago milombelo, vathu vatshavbo va nata avbo gwago.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Ezekiyeli 11:19

Nyi na thela gwawe monyo moyo basi, nyi va thela liphuvbo nya liphya; nyi na dusa gwawe monyo nya giwindri, nyi thela monyo nya nyama.

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Luka 3:6

Vathu vatshavbo va na wona guvbanyisa ga Nungungulu.”

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 11:27

Khu matshigu yale, Vaprofeti nya gukari va di relela khu Jerusalema va guta Antiyokiya.

Mithumo 11:28

Moyo wawe nya gupwani khu Agabo a di khuga a ema a tivisa khu Liphuvbo nya Guage khuye yi na manega ndzala nya yikhongolo tigoni gatshavbo; khiyo yi nga manega matshiguni ya Klawudiyo.

Mithumo 2:16

Aholu, ma gu tadzisega magana ya muprofeti Joyeli a nga khuye:

Mithumo 2:18

Khu lisine nyi na tshisa Liphuvbo langu vbatshani ga sithumi sangu nya vama ni esi nya vanyamayi, va na profeta.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Mithumo 21:9

Adiri ni sanana sina nya vanyamahegyane si nga bani si gu hevbudza niso Mahungu ya Nungungulu.

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

1 Vakorinto 12:10

mumbe a gu ningwa tshivba nya gugire siliwugiso, mumbe a ningwa gu ganela khu lina la Nungungulu, mumbe a ningwa gupima maphuvbo; mumbe a gu ningwa gu ganela malimi nya guhambanelane, mumbe a ningwa gukodza gutshamusela malimi.

1 Vakorinto 12:28

Nungungulu vegide muthu ni muthu wulanga waye ndrani nya libandla: Guphela khu Vapostoli, gu handzamedza vaprofeti; nya wuraru khu vahevbudzi; gu bela va nya gu gira siliwugiso ni gu hawulugisa madwali, ni va nya gu sayisa sisiwana, ni vathangeli, ni va nya gu ganela malimi nya guhambanelane.

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Jakobe 5:3

Ndralama ni parata yanu si pfhurede. Gupfhurela gogu gu na khala fakazi nya gu mi wugele kha nga nilo, gu hodza sivili sanu. Enu, mu wungedzede dzithomba ga matshigu yaya nya guhegise.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,