Mithumo 2:14 - Bhibhiliya Nya Guage

¹⁴ Pedro, na emide gumogo ni vale nya likhumi na moyo, a di khusedza lito a gu ganela kharati, khuye: “Enu vathu va Judheya ni enu mwatshavbo mu vbanyago Jerusalema, khalani na mu gu dziti, gambe tulani gwadi dzindzeve mu yingisa magana yangu.

Mithumo 2:14 Iomraidhean Croise

Mavingu 8:32

Vanavangu, olu, nyi yingiseni, mupwa esi: Kholu va na bani va kategide vale va na gulandrisago dzindzila dzangu.

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Isaya 51:4

Nyi yingiseni, enu vathu vangu ni uwe litigo langu! Upwani esi nyi vbwetago gu mi embela: Khavbo gwangu gu na duga nayo, gululama gwangu gu na bani guri wenengedzo nya mayigo.

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Isaya 52:8

Upwani huwa ya vawoneleli! Vatshavbo va gu khusa lito va embelela gumogo khu lito limwedo na va tsakide; kholu va na wona khu maho yawe guwuya ga Pfhumu Nungungulu gigomoni ga Siyoni.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Mithumo 1:26

Khavbo avbo, va di gira tumbatumbane; gi gu thegela Matiya. Gukhugela avbovbo a di vegwa tengoni nya vale nya likhumi na vavili vapostoli.

Mithumo 13:16

Khavbo avbo, Pawulo, na khugide a ema, a di khusedza mandza a va embela, khuye: “Madhota ya na Israyeli ni enu mu gu ni githawo ga Nungungulu, yingisani:

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 21:28

na va gu gulumela, khavo: “Va na Israyeli, nga deluni mu ta hi phasa! Mwama yoyu khuye a gimbilago a hevbudza vathu mayigoni gwatshavbo, a va kutsedzela gu wugela libandla la na Israyeli, Nayo ni Nyumba ya Nungungulu. Gu diga nya isoso, olu dzude ni vathu va si gu Vajudha ata bela navo Nyumbani ya Nungungulu, a nyenyezisa wulanga wowu nya guage!”

Mithumo 5:35

A di ganela ga madhota, khuye: “Va na Israyeli, dzi woneleni khu esi mu vbwetago gu gira ga vathu vava!

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

Dhewuteronome 27:9

Mosi a di ganela ga va na Israyeli nari gumogo ni vaphasi nya mhamba, va na Levhi, khuye: “Enu va na Israyeli, degulani mu yingisa! Muhuno mu khade vathu va Pfhumu Nungungulu wathu,

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?