Mithumo 2:1 - Bhibhiliya Nya Guage

¹ Na li vbohide litshigu nya Pentekosta, vatshavbo va di tshanganide wulanga wumowo.

Mithumo 2:1 Iomraidhean Croise

2 Dzikoronika 30:12

Mandza ya Nungungulu, ma diri gumogo ni vathu va Judha, va pwanana khu monyo moyo, gasi va gira sileletelo sa mufumeli ni sa manganagana yaye, mayelano ni magana ya Pfhumu Nungungulu.

2 Dzikoronika 5:13

Vaembeleli vava, va di womba mipundru ni gu embelela gumogo, gasi gu pwala nari lito limwedo basi, va dhumisa ni gubonga Pfhumu Nungungulu, va khusa malito khu mipundru ni siphaphato nya dzisimbi ni dzimbila ni dzingoma nya sizimba, va embelela, khavo: “Dhumisani Pfhumu Nungungulu, kholu lulamide ni wuhindzi waye wu ngu simama kala gupindruga.” Khavbo avbo, Nyumbani ga Pfhumu Nungungulu gu di fenengedzwa khu lipfhi;

Dzindzimo 133:1

Nga pwani gutshamba ni gutsakisa, valongo va gu vbanya dangamwedo khu gupwanana!

Ekisodha 23:16

U na vegisa gambe nango nya Buzo nya guvbwere dzimbewu nya guphele nya thumo wago, nya sile u yadego thembweni gwago; ni buzo nya guvbwere dzimbewu guvbelani nya mwaga, gikhati u vbwerago dzimbewu dza thembweni gwago.

Ekisodha 34:22

U na alakanya gambe Mibuzo nya Dzisemana, mu gira miphaso nya dzimbewu nya guphele nya vbwero nya sivbila, ni buzo nya Guvbwere guvbelani nya mwaga.

Jeremiya 32:39

Nyi na va gira va manega ni monyo moyo nya wadi ni gu gimbila khu ndzila mweyo, gasi va nyi ninga githawo gikhati gyatshavbo, gasi va vbanye gwadi avo gumogo ni livelego lawe.

Sofoniya 3:9

Khu kharato, nyi na agisa magana nya mayigo, gasi vathu vatshavbo va kodze gu rana lina la Pfhumu Nungungulu, ni gu mu thumela khu monyo moyo.

Mithumo 1:5

Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 20:16

Pawulo kha nga dzina gu ema dhoropani ga Efeso khu gu thava gu hwela ngudzu, kholu a diri ni gu vbiredza khu gudwanela gu vboha Jerusalema, gasi litshigu nya Pentekosta li ta mu mana nari iyo.

Mithumo 4:24

Na va pwide satshavbo, va di hengela monyo moyo va khusedza lito ga Nungungulu va ganela, khavo: “Pfhumu, khuwe mugiri nya ndzadzi ni mafu, ni linene ni satshavbo esi si tadzago malanga yoyo.

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.

Mithumo 5:12

Siwonegiso ni siliwugiso nya singi si di girwa vbakari nya vathu khu mandza nya vapostoli. Va di gu olovela gutshangana vatshavbo khu monyo moyo vbanyangwatunu ya Solomoni.

Varoma 15:6

Gasi mwatshavbo gumogo, khu lito limwedo, mu rungudza Nungungulu Babe wa Pfhumu yathu Jesu Kristo.

1 Vakorinto 16:8

Aholu nya gu alakanya gu khala dhoropani ga Efeso kala khu buzo nya Pentekosta,

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vafilipi 2:2

nyi ngu mi lomba gukheni mu tadzise gutsaka gwangu khu gukheni, mwatshavbo mu hengele mapimo mamowo, lihaladzo limwedo, hefemulo moyo ni gudogorela gumogo basi.