Mithumo 19:26 - Bhibhiliya Nya Guage

²⁶ Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.

Mithumo 19:26 Iomraidhean Croise

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 18:19

Va di vboha Efeso, avbo a ngaya hambana ni vangana vaye. Uye a gu hongola nyumbani nya nombelo aya ganedzisana ni Vajudha.

Mithumo 19:1

Gikhati Apolo a nga bani ari Korinto, Pawulo a di vbindra tigoni nya gigomo a gu relela Efeso. A di ya mana iyo vapizane nya gukari,

Mithumo 19:10

Girile kharalo gipimo nya myaga mivili, vathu vatshavbo va tigoni ga Aziya, Vajudha ni Vagreki va mane gu yingisa mahungu ya Pfhumu.

Mithumo 19:25

Khavbo avbo, a di tshanganisa vatshavbo, gumogo ni vambe vameseri nya thumo wa moyo, a va embela, khuye: “Vama vakhwathu, mu ngu dzitini gwadi gukhenu satshavbo hi gu naso ha gu si mana khu thumo wowu.

1 Vakorinto 12:2

Mu ngu dzitini gukhenu na mu si gu hakhi gukhodwa, mu di gu khozela vanungungulu nya malipha, nya dzimbeveve.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

Vagalatiya 4:8

Gale, na mu si gu muti Nungungulu, mu diri dzikhumbi nya gukhozele vanungungulu nya liphanga.

Dhewuteronome 4:28

Iyoyo, mu naya thumela vanungungulu nya gugirwe khu mandza nya vathu, nya mapulango ni siwindri, si si wonigo, mwendro gupwa, si si hodzigo ambari gupwa gununga.

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.