Mithumo 19:23 - Bhibhiliya Nya Guage

²³ Khu gikhati gyogyo, gu di manega litunga nya likhongolo dhoropani ga Efeso khu kotani nya Ndzila yeyi nya yiphya.

Mithumo 19:23 Iomraidhean Croise

Mithumo 18:26

A di phela gu ganela khu gu tiya nyumbani nya nombelo. Prisila ni Akila, na va mu pwide, va di mu dzega va gu mu sasamedzela gwadi ndzila ya Nungungulu.

Mithumo 19:9

Ambari ulo, vambe va nya gubanga mihungo ni gumba khodwa va di phela gu dzuwungela Ndzila ya Pfhumu vbakari nya mwandra. Pawulo a di va diga a dzega vapizane khu phuvbo. Matshigu yatshavbo a di gu tshangana a bhula navo nyumbani nya guhevbule ya Tiranu.

Mithumo 22:4

Nyi di venga nyi dwanela gu songa valandreli nya Ndzila yeyi nya Mahungu nya Yadi ya Pfhumu. Nyi di mola, nyi hunga, nyi khothela mapasoni vama ni vanyamayi.

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 24:22

Kha nga olu Felisi a nga bani a gu ma pima gwadi mahungu nya Ndzila nya Nayo yoyu, a di thindregisa mahungu, khuye: “A gu relela ndruna Lisiya, khavbo nyi na ta matigo mahungu yanu.”

Mithumo 9:2

aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

2 Vakorinto 11:26

Nyi di gira mapfhumba nyambana tengo, nyi saniseka ngudzu mitsongoni, ni gu saniswa khu dzimbafa, khu va na gyathu, ni va nya mayigo, madhoropani, mugiwulani, linene, ni vandruye nya malipha.

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

2 Vakorinto 6:9

Va gu hi gira kha nga vathu nyamba tidwa, ethu va hitigo gwadi. Gukhwatshi ha gufa, aholu hi na gu vbanya; va ngu hi tshanisa, aholu kha va hi songi.