Mithumo 19:19 - Bhibhiliya Nya Guage

¹⁹ Vathu nya vangi va nga bani va gu thumisa wun'yanga nya wutumbe, va di resa dzisolo dzawe va ta dzi vbisa na va gu wonwa khu vathu vatshavbo. Ga satshavbo esi si nga vbiswago, si di gu ningana tengo nya livbandre mazana nya mazana (500) dzitsapawu nya parata.

Mithumo 19:19 Iomraidhean Croise

Genesi 35:4

Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Ekisodha 32:20

Hwane nya ugo, a di dzega githombe gile nya mombe va nga bani va gi wumbide a gi vbisa, a gi kuya gi khala nguma a gi thela matini a ninga sanana sa Israyeli si sela.

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Ekisodha 7:22

Aholu dzinyanga dza tigoni ga Egipito dzi di gira nidzo idzosaye khu wugengeli waye. Aholu monyo wa Faro wu di banga, gima kha va yingisa kha nga idzo a nga ganela khidzo Pfhumu Nungungulu.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Dhaniyeli 2:2

Khu guralo, mufumeli a di rumela gu tombaniswa dzinyanga, valoli nya dzisolo, va nya sikwembu ni vagengeli nya Vakalidhiya, vata mbeli ga mufumeli gasi vata mu ninga tshamuselo nya esi a nga lorago,

Levhi 13:52

Guambala gogo mwendro khindra, mwendro tshalu nya gulugwe, gani khu mawoya gani khu linyu, mwendro gimbe gilo nya gukhandrwe khu lidowo gu na bani gu thaphedwe khu madwali yoyo, gu na vbiswa niloni kholu sokono nya guhinise.

Luka 14:33

Kharati, ni wevbini, a guromo vbakari gwanu, a si digigo iso a gu naso, kha dzi kodzi gu khala mupizane wangu.

Luka 15:8

A di engedza gambe, khuye: “Khu wevbini nyamayi, nya gu, nari ni likhumi dziphera nya ndralama a dzimedza mweyo, a si rothigo kandriya, a vbiyela ndrangani gwatshavbo, na gu khedzisa gwadi, kala a yi mana?

Mithumo 13:6

Va di dzuwulugela gidwa gyatshavbo kala va gu vboha dhoropani ga Pafosi, iyo va nga ya manago Mujudha moyo nya gupwani khu Bharijesu a nga bani a gu thumisa wun'yanga ni wuprofeti nya malipha.

Mithumo 13:8

Aholu, Elimasi, lina li tshamuselago pwani nya wun'yanga a di va wugela, na gufela gu ndreyisa mufumeli wule ndzilani nya wukhodwa.

Mithumo 19:18

Vatshavbo avo va nga khodwago ga Kristo va di ta va ta dzi sodzisa ni gu dawulela mithumo yawe.

Vahebheru 10:34

Enu mu hengede gusanisekani ga vale va nga girwa sibotshwa. Na mu phangidwe silo sanu satshavbo, mu di timisela khu gutsaka, kholu, mu di gu dziti gukhenu mu na ni silo nya sadi ngudzu nya gupindruge.