Mithumo 19:13 - Bhibhiliya Nya Guage

¹³ Vambe Vajudha va nga bani va gu legalega va gu tutumisa maphuvbo nya guvivbe, va di lingedzela navo gu thumisa khu lina la Jesu gasi gu vbanyisa vale va nga bani va mbakidwe khu maphuvbo nya guvivbe, va di ganela, khavo: “Eni nyi ngu mi ruma khu lina la Jesu, oyu Pawulo a ganelago khu Uye.”

Mithumo 19:13 Iomraidhean Croise

Genesi 4:12

Ambari u lima kharini, mafu kha ma na gu ninga gambe gufuma mihandro khu tshivba yaye. U na penga u legalega ni litigo.”

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

Dzindzimo 109:10

Sanana saye si na legalege si lomba zomola, va na tutumiswe va pengela hwindzo nya marumbi yawe va vbanyago umo.

Matewu 12:27

Nya gu bani nyi tutumisa maphuvbo nya guvivbe khu tshivba ya Bhelizebhu, ahati sanana sanu sa gu ma tutumisa khu tshivba ya mani? Khu kharato, avo va na bani vari valamuli vanu.

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Marko 9:38

Johane a di khuye: “Muhevbudzi, hi wonide mwama moyo na gu tutumisa maphuvbo nya guvivbe khu lina lago, hi mu himbedzela, kholu kha lumbi tsawa wathu.”

Luka 11:19

Nya gu bani nyi tutumisa maphuvbo nya guvivbe khu tshivba ya Bhelizebhu, ahati sanana sanu sa gu ma tutumisa khu tshivba ya mani? Khu kharato, sanana sanu si na khala valamuli vanu.

Luka 9:49

Johane a di khusa lito, khuye: “Muhevbudzi, womo hi nga mu manago na gu tutumisa maphuvbo nya guvivbe khu lina lago, hi mu himbedzela, kholu kha gimbili ni ethu.”

Mithumo 19:14

Ava va nga bani va gu gira esi a diri livbandre na sivili sanana sa Sevha, moyo nya khongolo nya vaphasi nya mhamba nya Vajudha.

2 Vakorinto 11:4

Kholu mu nga tshuka mu dzumela mumbe muthu a guta ganela khu Jesu, nya guhambane ni oyu nyi nga mi embelani, ambari gu hakhani liphuvbo nya guhambane ni eli mu li hakhidego, mwendro mahungu nya yadi nya guhambane ni aya mu ma dzumedego.

Josuwa 6:26

Khavbo avbo, Josuwa a di gira gisambanyo gegi, khuye: “A na vadwe mbeli ga Pfhumu Nungungulu wule a na gu yedzago gu vbahedza lidhoropa leli la Jeriko! Gikhati a na girago khokhweni, gi nafe gyanana gyaye nya matiwula; gikhati a thelago malimba, gi nafe gyanana gyaye nya mahegiso.”

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.