Mithumo 19:11 - Bhibhiliya Nya Guage

¹¹ Nungungulu a di gu gira siliwugiso nya sikhongolo khu mandza ya Pawulo,

Mithumo 19:11 Iomraidhean Croise

Johane 14:12

Khu lisine, nyi ngu mi embelani, kheni: Uye a khodwago gwangu, a na gira nuye mithumo nyi yi girago; a na gira mithumo ya yikhongolo guvbindra eyi, kholu eni nyi ngu hongola ga Babe wangu.

Mithumo 14:3

Aholu Pawulo ni Bharinabha va di khala dhoropani mule matshigu nya mangi, na va gu tumba Pfhumu, a nga bani a gu tadzisela tshumayelo yawe khu siwonegiso ni siliwugiso si nga bani si girega khu mandza yawe.

Mithumo 15:12

Khavbo avbo, gu di gira kape libandla latshavbo. Va yingisa Bharinabha ni Pawulo na va gu tshamusela siwoniso ni siliwugiso satshavbo Nungungulu a nga girago khu avo vbakari nya va nya mayigo.

Mithumo 16:18

A di gira esi matshigu nya mangi. Khavbo avbo, Pawulo khu gu garala a di thendregedza a ganela ga liphuvbo, khuye: “Khu lina la Jesu Kristo nyi ngu gu ruma: Diga nyamahegyane yoyo.” Khu gikhati gyogyo gikwembu gi di mu diga.

Mithumo 5:12

Siwonegiso ni siliwugiso nya singi si di girwa vbakari nya vathu khu mandza nya vapostoli. Va di gu olovela gutshangana vatshavbo khu monyo moyo vbanyangwatunu ya Solomoni.

Mithumo 8:13

Simoni nuye a di khodwa, na bhapatisidwe a di bela tsawani wa Filipi. A di liwuga ngudzu khu gu wona siwonegiso ni siliwugiso si nga bani si gu girwa khu Filipi.

Vagalatiya 3:5

Ina wule a mi ningago Liphuvbo nya Guage, ni gu gira siliwugiso vbakari gwanu, a gu gira esi khu kota nya gulandriseni guruma nya Nayo, mwendro kholu mu hakhidego gukhodwa, gani?

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.