Mithumo 18:7 - Bhibhiliya Nya Guage

⁷ Na hambane navo, a di ya khala ndrangani ga mwama moyo nya gupwani khu Justo. Mwama a nga bani a gu khozela Nungungulu, ndranga yaye yi diri vbafuvbi ni nyumba nya nombelo.

Mithumo 18:7 Iomraidhean Croise

Johane 9:31

Hi ngu dziti nya gukhethu Nungungulu kha yingisi sighohi, aholu a gu yingisa vale va mu ningago githawo ni gu gira gugola gwaye.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 13:42

Pawulo ni Bharinabha, na va dugide khu nyumbani nya nombelo, vathu va di ta va lomba, guta ganela gambe mahungu yaya khu Sabhadho yi landrelago.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 17:4

Vambe vbakari gwawe va di dzumela, va gu bela tsawani wa Pawulo ni Silasi, gumogo ni gidzemo nya gingi nya vathu nya githawo ga Nungungulu, ni Vagreki ni vanyamayi nya ndruda.

Vakolosi 4:11

A nuye Jesu, a ranwago pwani khu Justo a ngu mi losedzela. Ga vakhodwa vatshavbo nya gudugele nayoni nya Vajudha khavo ava basi va hengelago ni eni gu thumela Mufumo wa Nungungulu, va ngu nyi phasedzela ngudzu.