Mithumo 18:3 - Bhibhiliya Nya Guage

³ Kholu va diri va thumo moyo ni uye. A di khala ndrangani gwawe, a gu thumela avbo. Va diri ni thumo nya gu luge malawu.

Mithumo 18:3 Iomraidhean Croise

2 Dzipfhumu 6:2

Hi dzumedzise hi hongola kala kovani wa Joridhani, muthu ni muthu a na rwala lidingo gasi hi kodza gu ya vbaha iyoyo.” Uye a di va embela, khuye: “Indrani.”

1 Vakorinto 4:12

hi ngu dzi garadza khu gu thuma khu mandza yathu. Va gu hi vala, ethu ha gu va kategisa; va gu hi tshanisa, ethu ha gu timisela;

1 Vakorinto 9:14

Khidzo gambe kharato ni vale va gimbidzisago thumo nya gutivise mahungu nya Ivhangeli. Pfhumu a gu ruma gukhuye va vbanye khu thumo wawe nya gutivise Ivhangeli.

1 Vakorinto 9:15

Aholu eni nyi si gu henguli muthu dzifanelo dzatshavbo dzedzi. Gambe khandri nya gu mi lovelani esi khu gufela gu mi hengula gilo, kholu nyi ngu dzumela gufa guvbindra gu gira silo nya nga isoso. Kha nyi dzumeli muthu gu nyi dzegela wuzundzo wangu.

1 Vakorinto 9:18

Khu kharato, khu gwevbini gu hakha gwangu? Guhakha gwangu khu gu tivisa Ivhangeli, nyamba hengula gilo, khu thumo wangu.

2 Vakorinto 11:7

Nyi mi embedeni Mahungu nya Yadi ya Nungungulu, nyamba lomba gu hakhiswa. Nyi di dzi nogisa gasi mufela gu khusedzwa enu. Mwa gu alakanya gukhenu nyi di ghoha, gani?

2 Vakorinto 11:9

Gikhati nyi nga bani nyiri iyo gwanu, ambari na nyi keneledwe khu gilogyo gima kha nya garadza muthu. Vakhodwa va nga tago khu Makedhoniya, khavo va nga nyi phasa khu esi si nga nyi kenelelago. Kha nya dzina gu mi lemedzani, gima kha nyi na mi lemedza.

2 Vakorinto 12:13

Khu ginani mu manega vbavbatshi nya mambe mabandla? Mwendro kholu nyi nga mba mi lemelelani! Nyi tsetseleleni gihoso gyogyo!

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Vatesalonika 4:11

Dwanelani guvbanya khu gurula, vbedzani mwabune sigaradzo sanu, thumani gasi mu mane guvbanya, nga edzi hi nga mi hevbudzani khidzo.