Mithumo 18:26 - Bhibhiliya Nya Guage

²⁶ A di phela gu ganela khu gu tiya nyumbani nya nombelo. Prisila ni Akila, na va mu pwide, va di mu dzega va gu mu sasamedzela gwadi ndzila ya Nungungulu.

Mithumo 18:26 Iomraidhean Croise

Mavingu 1:5

Muthu nya guti a gu mapwa, a gu engedzela mapimo, ni muthu nya guti a na mana milayo nya wuhevbudzi nya wadi,

Mavingu 25:12

Mulayi a layago khu wugengeli, ga muthu a yingisago, a gu fanana ni phera nya ndralama, mwendro wulungu nya ndralama yi hutidwego.

Mavingu 9:9

Laya muthu a gu ni guti, kholu a na engedzela guti ngudzu, hevbudza muthu nya gululame, kholu a na engedzela guti gwaye.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Marko 10:15

Khu lisine nyi ngu mi embelani kheni oyu a si hakhigo Mufumo wa Nungungulu kha nga gyanana, gima kha na wu bela.”

Luka 19:26

Uye a di khuye: ‘Nyi ngu mi embelani, khu lisine, kheni: Watshavbo wule a gu naso, a na ningwa, gasi wule a gu mwalo gilo, ambari esi a gu naso a na dzegedwa.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 14:3

Aholu Pawulo ni Bharinabha va di khala dhoropani mule matshigu nya mangi, na va gu tumba Pfhumu, a nga bani a gu tadzisela tshumayelo yawe khu siwonegiso ni siliwugiso si nga bani si girega khu mandza yawe.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Mithumo 18:25

A di hevbudza guti ndzila ya Pfhumu, ambari ulo a nga bani a guti basi gubhapatisa ga Johane, a di tshumayela ni gu hevbudza khu nongameto satshavbo esi si ganelago khu mahungu ya Jesu.

Mithumo 19:8

Pawulo a di bela nyumbani nya nombelo, a vbedza migima miraru na gu ganela khu gu tiyisa, nyamba thava gilo, na guvbweta gukhuye va khodwe vale va nga bani va gu mu yingisa, khu mahungu nya Mufumo wa Nungungulu.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Mithumo 8:31

Muetiyopi a di phindrula, khuye: “Nyi na si mana kharini nyamba mana wangu nya gu nyi tshamusele.” Khavbo avbo, a di rana Filipi a khilela kareta va khala gumogo.

1 Vakorinto 12:21

Maho kha ma dzi kodzi gu embela mandza, khayo: “Kha hi gu vbweti.” Hungo kha wu dzi kodzi gu embela mawundru khuwo “Kha nyi mi vbweti.”

1 Vakorinto 3:18

Muthu a nga dzi pfhadzi abune: Oyu vbakari gwanu a dzipwago gukhuye gengede khu magengelelo nya wuthu, a na dzi gire gipumbu, khavbo a na khalago muthu nya guti khu lisine.

1 Vakorinto 8:2

Muthu a gu pima gukhuye a ngu giti gwadi gilo, khu lisine, a si gu giti gwadi khu edzi gu vbwetegago khidzo.

Vahebheru 6:1

Khu guralo, hongoleni hi dandre hiya mbeli gasi guya manela sihevbulo nya guvbelele, hi gu tshiya hwane dzindrima nya guhegule nya sihevbulo nya wukristo. Ethu kha hi na nga sasamedzela gambe nyaluphye matshina nya sihevbulo sesi, a gu aya: Fanelo nya gudige mithumo nyamba phasa gilo, ni gu khodwa ga Nungungulu;

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.