Mithumo 17:4 - Bhibhiliya Nya Guage

⁴ Vambe vbakari gwawe va di dzumela, va gu bela tsawani wa Pawulo ni Silasi, gumogo ni gidzemo nya gingi nya vathu nya githawo ga Nungungulu, ni Vagreki ni vanyamayi nya ndruda.

Mithumo 17:4 Iomraidhean Croise

Mavingu 13:20

Wule a gimbilago ni va nya mapimo, a na mana mapimo, aholu wule a gimbilago ni sipumbu a na thegedwa khu libango.

Mavingu 9:6

Hambanani ni va nya guvivbedwa khu monyo, mu na vbanya, gimbilani khu ndzila nya mapimo.”

Gizimba 6:1

Wuyelelo —Gasi gi hongode hayi gigodwa gyago, uwe u gu mburi vbakari ga vanyamayi? Gasi dugede hayi mwama wago nya gu mu gole, hi kodza gu gu phasa gu mu vbweta.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Johane 7:35

Vajudha va di wudzisana, khavo: “Hayini a vbwetago guhongola avbo nyamba mu mana ethu? Mwendro a gu vbweta guya patana ni ava va phalalegidego tigoni nya Vagreki, gumogo ni guya hevbudza Vagreki?

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 14:1

Pawulo ni Bharinabha, na va vbohide Ikoniya, va di bela nyumbani nya nombelo nya Vajudha, va gu ganela khu tshivba. Vathu nya vangi va di khodwa, Vajudha ni Vagreki.

Mithumo 14:4

Aholu, vathu va dhoropani va di kabanega. Vambe va di ema ni Vajudha, vambe va gu ema ni vapostoli.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:27

Khavbo avbo, hi ngu mi rumelani Judha ni Silasi, avo va na ta ganela khu magana yawe mahungu yaya ya mamowo.

Mithumo 15:32

Judha ni Silasi va nga bani vari vaprofeti navo, va di luleka vandruye va gu va tiyisela khu magana nya mangi.

Mithumo 15:40

Aholu Pawulo, na hathide Silasi a di dongiswa khu vandruye wuhigoni ga Nungungulu a phara ndzila a hongola.

Mithumo 16:3

Pawulo a di vbweta gukhuye a gimbile naye. Pawulo a di mu dzega a mu bedza wugwera khu gu thava Vajudha va malangani yale, kholu vatshavbo va di gu muti khavo babe waye Mugereki.

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 17:12

Khu magirelo yoyo, vathu nya vangi va di khodwa. Vbakari nya Vagreki gu di manega vanyamayi nya guthavisege ni vama nya vangi.

Mithumo 17:14

Khavbo avbo, vandruye va di dzega Pawulo khu guvbiredza va gu hongola naye siwoni, gasi Silasi ni Thimoti va di tshala.

Mithumo 17:17

A di ganedzisana nyumbani nya nombelo ni Vajudha ni vambe vakhozeli va Nungungulu. Matshigu yatshavbo a di ganela huwotunu ni vale va nga bani va gu manega avbo.

Mithumo 17:34

Aholu, vama nya gukari va di bela tsawani gwaye va gu khodwa. Vbakari gwawe a di romo Dhiyonisiyo wa Areyopagu ni nyamayi moyo nya gupwani khu Tamarisa ni vambe gambe.

Mithumo 18:4

Khu Sabhadho ni Sabhadho va di hongola nyumbani nya nombelo nya Vajudha. A di dzi garadza khu gu vbweta gukhuye Vajudha ni Vagreki va khodwe.

Mithumo 19:10

Girile kharalo gipimo nya myaga mivili, vathu vatshavbo va tigoni ga Aziya, Vajudha ni Vagreki va mane gu yingisa mahungu ya Pfhumu.

Mithumo 2:44

Vakhodwa vatshavbo, va di khala dangamwedo ma gu hengela silo satshavbo;

Mithumo 21:28

na va gu gulumela, khavo: “Va na Israyeli, nga deluni mu ta hi phasa! Mwama yoyu khuye a gimbilago a hevbudza vathu mayigoni gwatshavbo, a va kutsedzela gu wugela libandla la na Israyeli, Nayo ni Nyumba ya Nungungulu. Gu diga nya isoso, olu dzude ni vathu va si gu Vajudha ata bela navo Nyumbani ya Nungungulu, a nyenyezisa wulanga wowu nya guage!”

Mithumo 28:24

Vomo va nga dzumelago magana ya Pawulo, gasi vambe va di ma bomba.

Mithumo 4:23

Pedro ni Johane, na va tshudwe, va di hongola vaya patana ni va na gyawe va gu va embeledzela satshavbo esi va nga embedwago khu vaphasi nya vakhongolo ni madhota.

2 Vakorinto 8:5

Va di gira silo guvbindra esi hi nga si lindrela. Va gu dzi ningela mandzani ga Nungungulu, ni gwathu nethu, nga edzi Nungungulu a nga ruma khidzo.