Mithumo 17:32 - Bhibhiliya Nya Guage

³² Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”

Mithumo 17:32 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Luka 14:18

Aholu vatshavbo va di hengela monyo moyo nyamba wadi. Uye nya guphele a di khuye: ‘Nyi ngari gu renga gipeto, nya guvbweta guya gi wona; u na nyi divalela, kha nyi na dzi kodza gu manega.’

Luka 22:63

Gasi vale va nga bani va gu mu ghadha, va di mu vala ni gu mu sanisa.

Luka 23:11

Herodhi ni masotshwa yaye, na mu kasuwaride ni gu mu hembulula, a di ruma gu mu bweledza ga Pilato na ambagisidwe libhadzi nya gumbure ngudzu.

Luka 23:36

Masotshwa nayo ma di mu kasuwari, ma mu yela, gasi guya mu ninga ginageri.

Mithumo 13:41

Wonani, enu vayeyisi; liwugani mu mwalalega! Khaguva nyi na wusa matshiguni yanu thumo moyo nya gu, mwa sa khodwa, nari pwani mu diya khu gu embedwa.”

Mithumo 17:18

Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Mithumo 17:33

Khu guralo Pawulo a di khuga khu vbakari gwawe.

Mithumo 2:13

Gasi vambe va di gu hembulula, khavo: “Ava vathu va di leva khu wadwa.”

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 25:19

Avo va gu mu thuledza khu mahungu nya wukhozeli wawe, ni kotani ya mwama moyo nya gupwani khu Jesu a fudego, aholu Pawulo a tiyisago gukhuye a ngu vbanya.

Mithumo 26:8

Ina khu mawonelo yanu, mwari khenu Nungungulu kha dzi kodzi gu wusa va nyagufa, gani?

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 15:12

Ethu hi ngu tivisa gukhethu Kristo wugide khu ga va fudego, khu ginani vambe va gukhavo va nya gufa kha va wugi?

1 Vakorinto 4:10

Ethu hi handrugide khu kotani ya Kristo, gasi enu mu gengede khu ga Kristo! Ethu hi vbede tshivba, enu mu nayo; enu mu ngu ningwa githawo, ethu ha gu nyenywa.

2 Vakorinto 6:2

Kholu Uye a ngu ganela, khuye: “Nyi gu pwide khu gikhati nya gyadi, nyi gu phaside khu litshigu nya guvbanyiswe.” Khigyo egi gikhati nya gyadi. Khilo eli litshigu nya guvbanyiswe.

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.