Mithumo 17:30 - Bhibhiliya Nya Guage

³⁰ Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 17:30 Iomraidhean Croise

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Isaya 21:12

Mukhedziseli a di phindrula, khuye: “Avbo gugyago, gwa guta gambe wutshigu; mwa guvbweta gu wudzisa nyaluphye, mu ngu dzi kodza guta muta wudzisa.”

Matewu 20:7

Va di mu hakha, khavo: ‘Ha gu hamuga muthu nya gu mu thumele.’ A di khuye: ‘Indrani nenu thembweni gwangu mu na hakha iso si vbwetegago.’

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Marko 1:15

“Ma tadzisegide matshigu, Mufumo wa Nungungulu womo vbafuvbi. Vbindrugedzani mavbanyelo, mu khodwe khu Mahungu nya Yadi.”

Marko 6:12

Va di phara ndzila va gu gimbila va hevbudza khavo vathu vatshavbo gu vbwetega va vbindrugedza mavbanyelo.

Luka 13:5

Nyi ngu mi embelani, kheni: Khandridzo. Aholu mwa gumba vbindrugedza mavbanyelo yanu mu na fisa nenu guralo.”

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 14:16

Ga mimela yi vbindridego dzumedziside gukhuye vathu va gimbile khu dzindzila nya tumbunugo wawe;

Mithumo 17:23

Kholu, na nyi gimbide dhoropani gwanu, nyi wona sihuru sanu nya miphaso, nyi di ya mana gimbe gihuru gi lovidwego pwani: ‘Ga Nguluve nyamba tidwa.’ Uye mu mu phaselago nyamba mutini, khuye nyi vbwetago gu mi tivisani.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Varoma 3:23

Kholu vathu vatshavbo va ghohide, va hamugisa guralo wudhumo wa Nungungulu.

Varoma 3:25

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe.

2 Vakorinto 7:10

Kholu wusiwana, ga Nungungulu, wa gu vanga guvbindrugedza gu yisago guvbanyani; aholu wusiwana wa mafuni wa gu vanga gufa.

1 Pedro 4:3

Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.