Mithumo 17:3 - Bhibhiliya Nya Guage

³ A di va tshamusela khu gu va pimisela gwadi khuye Kristo a di fanela gu saniseka a wuga khu ga vafudego, a gu ganela, khuye: “Kristo khu Jesu oyu nyi mu tivisago gwanu.”

Mithumo 17:3 Iomraidhean Croise

Luka 24:32

Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Luka 24:46

a gu va embela, khuye: “Gu lovidwe pwani Kristo emedwe khu gusaniseka, aholu khu litshigu nya wuraru a na wuga khu ga vafudego;

Johane 20:9

Va di si gu yi pimisi gwadi milowo yile, yi gu, khiyo: “Uye a na wuga khu ga vafudego.”

Mithumo 1:4

Na gu hodza navo, a di va laya va si khugi khu Jerusalema, aholu, va lindrela gutadzisega nya gitumbiso gya Babe, “Gitumbiso mu nga nyipwa na nyi gu ganela khu likana langu:

Mithumo 18:28

Kholu a di ganedza Vajudha khu tshivba vbakari nya vathu, a va yeyedza khu Milowo khuye Jesu khu Kristo.

Mithumo 18:5

Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 3:18

Aholu, Nungungulu tadziside khu magirelo yaya satshavbo iso a nga si tivisago khu magana ya vaprofeti vatshavbo, nya gukhuye: Kristo Waye a di gu fanela gusaniseka.

Mithumo 9:22

Aholu, tshivba nya gutshumayele ga Sawule yi diya na yi gu tadzisega, a hambanisa mapimo nya Vajudha va Dhamasiko khu edzi a nga bani a gu fakaza khidzo khuye Jesu khuye Muvbanyisi a nga tumbiswago.

Vagalatiya 3:1

Ama enu Vagalatiya, sipumbunu! Khu mani a mi sengidego? Eni nyi mi yeyedzide gwadi Jesu Kristo a khokhothedwego vbagihambanotunu.