Mithumo 17:29 - Bhibhiliya Nya Guage

²⁹ Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 17:29 Iomraidhean Croise

2 Dzipfhumu 19:18

va vbisa niloni vanungungulu vawe; kholu avo va di siri vanungungulu, aholu va diri sifananiso nya guvatwe khu mandza nya vathu, nya misimbo ni siwindri; khu guralo, va va mbembiside.

Dzindzimo 106:20

Va di diga Nungungulu wawe nya wuzundzo, va gu khozela gifananiso nya girengo nya guhodze mwasi.

Ekisodha 20:4

U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Isaya 40:25

“Nyi na dzi fananisa ni mani gasi nyi godzana naye?” A ngu wudzisa uye a Agidego.

Mithumo 19:26

Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.