Mithumo 17:26 - Bhibhiliya Nya Guage

²⁶ Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Mithumo 17:26 Iomraidhean Croise

Genesi 3:20

Mwama, Adhamu a di riya lina mwangadzi waye, nya gukhuye khu Evha, kholu khuye melegi wa vatshavbo va vbanyago.

Genesi 9:19

Sanana sa Nowa, khiso basi esi nya siraru. Vathu vatshavbo va tadego tigoni, va gu duga khavbo gwawe.

Joba 12:23

Khuye a andrisago mayigo, bwelo khavbo a ma mbembisa; a phalalegisa, bwelo khavbo a ma tshanganisa.

Joba 14:5

Matshigu nya muthu ma pimidwe u sayede tengo nya migima yaye, u mu vegede vbingano uye a gumba wu kodza gu wu ndraga.

Dzindzimo 31:15

Matshigu yangu momo mandzani gwago; nyi tshule mandzani ya valala ni vatshanisi vangu.

Dzindzimo 74:17

U vegide mivbingano nya litigo, u gu gira maronga ni girame.

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 34:17

Kholu Pfhumu Nungungulu ningide giavelo ga gimwegyo ni gimwegyo nya iso, khu mandza yaye a va kabanisede litigo a li pima khu ngodzi. Iso si na li fumela khu mimelana ni melana kala gupindruga, yi vbanya umo.

Isaya 45:21

Ganelani mahungu mu ma pwadza, ni gu ninga wufakazi wanu. Wudzisanani khu gyanu. Khu mani a tivisidego silo sesi gukhugela gikhati gya gale? Gukhugela ga gikhati gile, khu mani a si tivisidego? Ina kamwe khandri eni Pfhumu Nungungulu nyi si giridego, gani? Kholu mwalo mumbe Nungungulu, vbavbandze nya eni, Nungungulu nya gululame ni mutshudzisi, mwalo mumbe vbavbandze ga eni.

Jeremiya 27:5

Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Dhaniyeli 11:27

Vafumeli vava navo va vavili, va na bani vari ni myonyo nya guvivbe, va na khala meza mweyo, va ganela malipha, aholu malipha yawe kha ma na phasa gilo. Kholu, mahegiso gu nata khu gikhati gya sa viredwago.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Malakiya 2:10

Ina hatshavbothu hi mwalo babe moyo basi, gani? Ina khandruye Nungungulu wamoyo a hi vangidego, gani? Khu ginani hi venganago khu gyathu, hi nyenyezisa gidzumeledzwano gya vakokwe vathu?

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

1 Vakorinto 15:22

Khu kharato, vathu vatshavbo va modwe khu gufa khu gu hengela ni Adhamu; olu khu gu hengela ni Kristo, vathu vatshavbo va na bweledzedwa gambe guvbanya.

1 Vakorinto 15:47

Oyu nya guhegule a diri muthu wa mafuni. Oyu nya wuvili khwa Ndzadzini.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.