Mithumo 17:25 - Bhibhiliya Nya Guage

²⁵ Gambe kha thumedwi khu mandza nya vathu nga khwatshi a gu keneledwa khu gilo, kholu khuye a ningago ga vatshavbo guvbanya ni guhefemula ni silo satshavbo.

Mithumo 17:25 Iomraidhean Croise

Genesi 2:7

Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.

Joba 12:10

Mandzani gwaye yomo mihefemulo nya sivangwa satshavbo si vbanyago, ni maphuvbo nya vathu vatshavbo.

Joba 22:2

“Ina muthu a na ni giphaso ga Nungungulu, gani? Ambari uye a gengedego a ngu phasega khu guti gwaye, gani?

Joba 27:3

Na nyi ngari ni hefemulo nya guvbanye, ni furugedzo wa Nungungulu dzithonvuni gwangu,

Joba 33:4

Kholu Liphuvbo la Nungungulu, khilo li nyi wumbidego, furugedzo wa uye nya Tshivba Yatshavbo, wu nyi ningide guvbanya.

Joba 34:14

Nari pwani Nungungulu a gu pimisa khu wurumba waye basi, a dzegela sivangwa satshavbo liphuvbo a si furugedzedego,

Dzindzimo 16:2

Nyi di embela Pfhumu Nungungulu, kheni: “Uwe Pfhumu yangu, khuwe thomba yangu yatshavbo; gimwalo gimbe gilo nya guvbindre uwe.”

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 27:16

“Pfhumu Nungungulu, Uwe U gu Nungungulu u ningago guvbanya sivangwa satshavbo, hatha mwama nya gukari gasi gu khala muthangeli nya tshangano yoyu,

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Mithumo 17:28

Kholu gwa uye hi ngu mana guvbanya, ni gu gimbilagimbila, gambe hi womo gwaye. Khiso si nga ganedwago khu vaembeleli vanu, khavo: ‘Kholu ethu nethu hi melego waye.’

Varoma 11:35

Khu mani a mu ningidego gilo gasi uye Pfhumu a mu bweledzela?”

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.