Mithumo 17:24 - Bhibhiliya Nya Guage

²⁴ Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.

Mithumo 17:24 Iomraidhean Croise

Genesi 1:1

Guhegulani Nungungulu a di vanga ndzadzi ni mafu.

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Genesi 14:22

Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

2 Dzipfhumu 19:15

A di ya lombelela mbeli ga Pfhumu Nungungulu waye, khuye: “Pfhumu Nungungulu wa Israyeli, u khalago vbatshani nya dzikerubhimi, uwe kamwe, khuwe u gu Nungungulu nya mifumo yatshavbo ya mafuni, uwe u giride ndzadzini ni mafuni.

2 Dzikoronika 2:6

Khu guralo, khu mani a nga hadza gu mana tshivba nya gu mu vbahele nyumba? Kholu ambari gupindruga ni wugulu waye watshavbo, wusi kodzigo gu mu enedza. Kheni mani eni nya gukala nyi Mu vbahela nyumba? Gimwalo gimbe gilo nyi yelago gu gira vbavbandze nya guvbise libani mbeli gwaye.

2 Dzikoronika 6:18

Ina kamwe Nungungulu, a ngu kodza guvbanya ni vathu mafuni momu, gani? Nga khedza ndzadzini ni gupindruga ga dzindzadzi gu si gu eneligo, ginani ginyumbana gegi nyi gu vbahedego?

Dzindzimo 115:16

Ndzadzi ya gu lumba Pfhumu Nungungulu; aholu litigo a li ningede ga vathu.

Dzindzimo 146:5

Kategide uye a manago giphaso ga Nungungulu wa Jakobe, uye a vegago gitumbo ga Pfhumu Nungungulu waye

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Isaya 40:12

Ina womo a pimidego mati ya linene khu gyandza gyaye, gani? Ni uye a pimidego ndrengelenge wa ndzadzini khu dzinyala dzaye? Khu mani a pimidego gitundruni kudzudzwane watshavbo nya mafu, ni gu pima sigomo ni sigomwana vbagikalotunu?

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Malakiya 2:10

Ina hatshavbothu hi mwalo babe moyo basi, gani? Ina khandruye Nungungulu wamoyo a hi vangidego, gani? Khu ginani hi venganago khu gyathu, hi nyenyezisa gidzumeledzwano gya vakokwe vathu?

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Matewu 5:34

Gasi eni nyi ngu mi embelani, kheni: Mu nga phazamini sanu mu gu sambanya, ambari khu ndzadzi, kholu gikhalo nya Mufumo wa Nungungulu;

Luka 10:21

Khu gikhati gyogyo, Liphuvbo nya Guage li di tadza Jesu khu litsako a gu ganela, khuye: “Nyi ngu gu rungudza, Baba, Pfhumu nya Ndzadzi ni mafu, kholu u sihede silo sesi va nya guti ni vagengeli, u si yeyedza ga va nya gusolega. Ina, Baba, kholu khiso si nga gu nengedzisago.

Johane 1:1

Guhegulani li diromo Lito. Lito li diri ni Nungungulu; gambe Lito li diri Nungungulu.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 4:24

Na va pwide satshavbo, va di hengela monyo moyo va khusedza lito ga Nungungulu va ganela, khavo: “Pfhumu, khuwe mugiri nya ndzadzi ni mafu, ni linene ni satshavbo esi si tadzago malanga yoyo.

Mithumo 7:48

Ambari ulo, uye a guromo vbatshani ngudzu kha khali dzinyumbani nya guvbahwe khu mandza nya vathu, kha nga a ganedego muprofeti, khuye:

Varoma 1:19

Kholu esi vathu va yelago gu siti khu mahungu ya Nungungulu somo gowonegelani: Kholu uye Nungungulu wurumba waye a va tulede gu siti.

Dhewuteronome 10:14

Wona nya gukhuwe dzindzadzini gwatshavbo, ni mafuni ni satshavbo si guromo umo sa gu lumba Pfhumu Nungungulu wago.

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Vahebheru 3:4

Nyumba ni nyumba ya gu vbahwa khu muthu nya gukari, aholu, Nungungulu khuye Muvbahi nya silo satshavbo.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.