Mithumo 17:23 - Bhibhiliya Nya Guage

²³ Kholu, na nyi gimbide dhoropani gwanu, nyi wona sihuru sanu nya miphaso, nyi di ya mana gimbe gihuru gi lovidwego pwani: ‘Ga Nguluve nyamba tidwa.’ Uye mu mu phaselago nyamba mutini, khuye nyi vbwetago gu mi tivisani.

Mithumo 17:23 Iomraidhean Croise

Dzindzimo 147:20

Uye kha gira silo nya nga esi ga mambe mayigo; kha ma tulela guti sileletelo saye. Aleluya! A na dhumiswe Pfhumu Nungungulu!

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Isaya 45:4

Khu kotani nya lihaladzo nyi gu nalo ni githumi gyangu Jakobe, ni Israyeli, gihathwa gyangu, nyi na gu rana khu lina lago, bwelo khavbo nyi gu ninga lina nya wuzundzo, ambari olu u si nyitigo.

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Johane 17:25

Baba nya gululame, litigo kha la guti, aholu eni nyi gu tide, ava navo va dzitide nya gukhavo khuwe u nyi rumedego.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 4:22

Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.

Johane 8:54

Jesu a di va hakha, khuye: “Nya gu dzi khusedza nyabune, wudhumo wangu khandri wa gilo. Aholu Babe wangu khuye a nyi dhumisago, wule mu gukhenu Nungungulu wanu.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

1 Vakorinto 8:5

Kholu ambari na va romo vambe va ranwago “vanungungulu” va Ndzadzini ni va mafuni; gu gira gukhwatshi vanungungulu nya vangi ni dzipfhumu nya dzingi dzi guromo.

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.