Mithumo 17:20 - Bhibhiliya Nya Guage

²⁰ Kha nga u tadzago dzindzeve dzathu khu silo hi si sitigo ha guvbweta guti silo muni isoso.”

Mithumo 17:20 Iomraidhean Croise

Hoseya 8:12

Ambari nyi nga va lovelago mazanazana nya milayo yangu, avo isoso va di si wona nga gilo nyambana giphaso.

Marko 9:10

Khu kharato, va di degula naso esi va nga embedwa. Aholu va di wudzisana khu gyawe, khavo: “Sa gu tshamusela ginani guwuga khu ga vafudego?”

Johane 6:60

Vangi nya vapizane vaye, na va pwide, va di khavo: “Ma ngu lemela magana yaya! Khu mani a na gu ma yingisago?”

Mithumo 10:17

Pedro, a di liwuga, a dzi wudzisa tshamuselo nya esi a nga si wonago. Va di vboha vathu va nga rumedwa khu Korineliyo, na va wudziside ndzila nya guhongole ndrangani ga Simoni, va di ta ema vbamwanyatunu.

Mithumo 17:19

Va di mu dzega va gu gwela naye gigomoni gya Areyopagu, khavo: “U ngu dzi kodza gu hi embela sihevbudzo sesi nya siphya u hevbudzago, gani?

Mithumo 17:21

Vathu vatshavbo va Atena ni va nya guta va khalago umo, va di si thumi gimbe gilo vbavbandze nya gu ambe ni gu yingisa mahungu maphya.

Mithumo 2:12

Vathu vatshavbo va di liwuga, khavo: “Nari silo muni esi hi si wonago?”

1 Vakorinto 1:18

Kholu, mahungu nya gutivise gufa ga Kristo vbagihambanotunu ma gu wonwa kha nga wupumbu khu vale va belago khu ndzila yi yago gumbembani; gasi ethu hi guromo ndzilani nya guvbanyiswe, gukhethu tshivba ya Nungungulu.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

Vahebheru 5:11

Khu mahungu yaya, hi na ni silo nya singi nya gu mi hevbudze, aholu, si ngu garadza gu mi tshamuselani, kholu enu mu ngu garadza gu si mana.

1 Pedro 4:4

Olu, va nya mayigo va ngu liwuga khu gumba hengelani gambe navo guvbanyani gogo nya guhandruge, nya wuphuphulu; pimani kholu va mi valago.