Mithumo 17:18 - Bhibhiliya Nya Guage

¹⁸ Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 17:18 Iomraidhean Croise

Mavingu 23:9

U nga dzi garadzi khu gubhula ni gipumbu, kholu igyo kha gi na khathala khu magana yago nya wugengeli.

Mavingu 26:12

U di nga wona muthu a dzi randrago gugengela, gani? Gomo gutumba nya gukhongolo ga gipumbu guvbindra uye.

Marko 9:14

Na vbohide avbo va nga bani va romo vambe vapizane, va di wona vathu nya vangi gumogo ni vahevbudzi nya Nayo na va va randrede va gu ganedzisana navo.

Luka 11:53

Gikhati a nga dugago khu vbale, vahevbudzi nya Nayo ni Vafarisi va di mu hembulula nyamba mu vegedzela, gumogo ni gu mu riya khu siwudziso nya singi,

Mithumo 26:23

mahungu nya gupwani Misiya emede gufa gasi a khale muthu nya guhegule gu wuga khu gufani, a emiswa kha nga wenengedzo nya guvbanyise vbakari nya Vajudha ni va nya mayigo.”

Mithumo 4:2

Va di garadzega khu gu wona Pedro ni Johane na va gu hevbudza vathu ni gu huwelela guwuga ga vafudego linani la Jesu.

Mithumo 5:42

Va di si garali khu gu hevbudza matshigu yatshavbo Nyumbani ya Nungungulu ni dzidrangani, ni gu huwelela mahungu yadi nya gupwani Jesu khuye Kristo.

Mithumo 6:9

Va dita vathu nya gukari khu Nyumbani nya nombelo yi ranwago pwani khya va nya gutshulega, ni va nya guta khu Kirene, Alexandriya, ni Silisiya ni Aziya, va dita ganedzisana ni Sitefane.

Varoma 1:22

Va gu dzi randra vathu nya guti, aholu na vari sipumbu.

1 Vakorinto 3:18

Muthu a nga dzi pfhadzi abune: Oyu vbakari gwanu a dzipwago gukhuye gengede khu magengelelo nya wuthu, a na dzi gire gipumbu, khavbo a na khalago muthu nya guti khu lisine.

1 Vakorinto 4:10

Ethu hi handrugide khu kotani ya Kristo, gasi enu mu gengede khu ga Kristo! Ethu hi vbede tshivba, enu mu nayo; enu mu ngu ningwa githawo, ethu ha gu nyenywa.

Vakolosi 2:8

Dzi woneleni, mu nga dzi digi mu gu sengwa khu vale va vbwetago gu mi ndrindra khu sihevbulo nya wugengeli nya mahala, nya gutiyiswe khu mikhuwo nya vathu, ni guti ga mafuni momu, aholu nyamba tiyiswa khu guti gwa Kristo.