Mithumo 16:6 - Bhibhiliya Nya Guage

⁶ Va di gimbila tigoni ga Firijiya ni Galatiya; va di himbedzwa khu Liphuvbo nya Guage gu tivisa mahungu ya Pfhumu tigoni ga Aziya.

Mithumo 16:6 Iomraidhean Croise

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Luka 1:2

kha nga idzo va hi hevbudzidego khidzo vale va nga si wonago khu maho, gukhugela guhegulani nya silo sesi; a gu avo va nga khalago vahevbudzi nya Mahungu yaya;

Mithumo 10:19

Pedro, na nga gu pimisela esi a nga si wonago, Liphuvbo li di mu embela, khilo: “Vomo vathu va guvbwetago.

Mithumo 11:12

Liphuvbo la Nungungulu li di nyi ruma guhongola navo nyamba kanakana. Ava vandruye nya livbandre na moyo nyi hongode navo, hi diya bela nyumbani ga Korineliyo.

Mithumo 16:7

Na va vbohide vbinganoni ga Misiya, va di vbweta gu hongola Bhitiniya, aholu, Liphuvbo la Jesu li di va himbedzela.

Mithumo 18:23

Na khade iyo gipimo nya gukari, a di bwelela nya luphye, a gimbila khu madhoropani yatshavbo ya tigoni ga Galatiya ni Firijiya, a tiyisela vapizane vatshavbo.

Mithumo 19:10

Girile kharalo gipimo nya myaga mivili, vathu vatshavbo va tigoni ga Aziya, Vajudha ni Vagreki va mane gu yingisa mahungu ya Pfhumu.

Mithumo 20:16

Pawulo kha nga dzina gu ema dhoropani ga Efeso khu gu thava gu hwela ngudzu, kholu a diri ni gu vbiredza khu gudwanela gu vboha Jerusalema, gasi litshigu nya Pentekosta li ta mu mana nari iyo.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 20:4

A di bangaladzwa khu Sopatrosi, mwamana wa Pirusi, givelegwa gya dhoropani ga Bhereya; ni Arisitariko ni Sekundo va Tesalonika; ni Gayo wa Dheribhe, ni Thimoti gumogo ni Tikiko ni Trofimo, sivelegwa sa Aziya.

Mithumo 21:27

Aholu, mari vbafuvbi ni gu vbela livbandre na mavili matshigu yale nya gu dzi agise, Vajudha nya gukari nya gute khu Aziya va di wona Pawulo Nyumbani ga Nungungulu. Khavbo avbo, va di wusa pfilupfilu vbakari nya vathu, va gu mu mola,

Mithumo 6:9

Va dita vathu nya gukari khu Nyumbani nya nombelo yi ranwago pwani khya va nya gutshulega, ni va nya guta khu Kirene, Alexandriya, ni Silisiya ni Aziya, va dita ganedzisana ni Sitefane.

Mithumo 8:29

Liphuvbo li di embela Filipi, khilo: “Gimbidzisa u longoloka ni kareta yoyo.”

Varoma 16:5

Malosedzela yangu nya gu ma rumela gambe ga vakhodwa vatshavbo va tshanganago ndrangani gwawe. Losedzelani pari yangu Epeneto, a gu uye muthu nya guphele gu khodwa ga Kristo tigoni ga Aziya.

1 Vakorinto 12:11

Aholu, Liphuvbo khilo la limwedo basi li girago silo sesi satshavbo; khilo li kavedzelago ga moyo ni moyo siningwa khedzi li golago khidzo.

1 Vakorinto 16:1

Khu mahungu nya miningelo nya guya phasedzele khiyo vakhodwa va Jerusalema, girani nenu kha nga edzi nyi leletedego khidzo mabandla nya vakhodwa va tigoni ga Galatiya.

1 Vakorinto 16:19

Mabandla nya vakhodwa ya Aziya ma ngu mi losedzela. Akila ni Piriska va ngu mi losedzela ngudzu gumogo ni vakhodwa va tshanganago ndrangani gwawe;

2 Vakorinto 1:8

Vandruye, kha hi vbweti mu hangwa khu libango li nga hi dugelela tigoni ga Aziya. Hi di saniswa ogu nyambana tanga, gu di vbindra ni dzitshivba dzathu, kha ha nga tumba nya gukhethu hi na vbanya.

Vagalatiya 1:2

eni gumogo ni vandruye vatshavbo va guromo avba, hi ngu losa mitshangano yatshavbo nya vakhodwa va tigoni ga Galatiya.

Vagalatiya 3:1

Ama enu Vagalatiya, sipumbunu! Khu mani a mi sengidego? Eni nyi mi yeyedzide gwadi Jesu Kristo a khokhothedwego vbagihambanotunu.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

Vahebheru 11:8

Khu gukhodwa, Abrahama a di yingela, gikhati a nga ranwa. A khuga a hongola ga litigo a nga tumbiswago gu ningwa kha nga thomba yaye. A di diga litigo laye nyamba guti a gu hongola hayi.

1 Pedro 1:1

Eni, Pedro, nyi gu mupostoli wa Jesu Kristo, nyi ngu lova eli lidangalila ga vathu va Nungungulu va vbanyago vbavbandze nya litigo lawe, mayigoni ga Pontu, Galatiya, Kapadhokiya, Aziya, Bhitiniya.

Gutuledwa 1:11

na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.