Mithumo 16:5 - Bhibhiliya Nya Guage

⁵ Khu magirelo yoyo, mabandla ma di tiyisedwa gukhodwani, tengo nya vathu wu di engedzelana litshigu ni litshigu.

Mithumo 16:5 Iomraidhean Croise

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Mithumo 12:24

Aholu, mahungu ya Nungungulu ma diya na ma gu engedzelana gudandra, ni guphalalega.

Mithumo 15:41

A di vbindra khu Siriya ni Silisiya a tiyisela mabandla.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 4:4

Ambari ulo, vangi nya vale va nga pwago magana yaye, va di khodwa, va engedzela tengo nya vakhodwa, wu nga vboha gipimo nya livbandre magumi mazana (5000) vama.

Mithumo 5:14

Tsawa nya vakhodwa wu di gu engedzelana gu dandra, vama ni vanyamayi va di gu bela tsawani ga Pfhumu.

Mithumo 6:7

Magana ya Nungungulu ma di phalalega. Tengo nya vapizane wu di gu engedzelana khu tshivba Jerusalema. Vathu nya vangi ngudzu nya tsawa nya vaphasi nya mhamba va di dzumela gukhodwa.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

Vagalatiya 5:1

Kristo a hi tshude gasi hi mane gutshulega nya lisine. Khu kharato, tiyani mugutshulegani gwanu, mu nga bweleli hwane mu khala gambe dzikhumbi.

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

1 Vatesalonika 3:2

nyi mi rumelani Thimoti, ndriyathu a guromo thumoni wa Nungungulu, a tshumayela Mahungu nya Yadi ya Kristo. Nyi mu rumide guta mi tivisani ni gu mi phasani gukhodwa gwanu,

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.