Mithumo 16:39 - Bhibhiliya Nya Guage

³⁹ Va di ta va lomba divalelo, va duga navo vbavbandze, va gu va khongotela gu duga khu dhoropani.

Mithumo 16:39 Iomraidhean Croise

Ekisodha 11:8

Khavbo avbo, sithumi sago satshavbo si na relela si ta gwangu si ta nyi khidzimela, khiso: “Duga uwe ni vathu vago vatshavbo u va thangelago. Hwane nya ugo, nyi na duga.” Khavbo avbo, Mosi a di duga khu ga Faro na garadzegide ngudzu.

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Dhaniyeli 6:23

Mufumeli a di tsaka ngudzu a ruma gukhuye va dusa Dhaniyeli khu phalani. Hwane nya gu bani va mu duside khu phalani, va di wona nya gukhavo uye ne mbanga mweyo nya gubayiswe a diri mwalo nayo, kholu uye a di gu tumba Nungungulu waye.

Matewu 8:34

Vathu vatshavbo va dhoropani va di yela Jesu gasi guya mu lomba gukhavo a khuge tigoni gwawe.

Marko 5:17

Khavbo avbo, vathu va di mu lomba gu a khuge tigoni gwawe.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.