Mithumo 16:25 - Bhibhiliya Nya Guage

²⁵ Ni vbakari nya wutshigu, Pawulo ni Silasi va di gira nombelo, va embelela dzindzimo nya gurungudze Nungungulu, simbe sibotshwa si di va yingisela.

Mithumo 16:25 Iomraidhean Croise

Joba 35:10

Aholu mwalo a ganelago, khuye: Womo hayi Nungungulu mugiri wangu, oyu a ningago dzindzimo nya wuzundzo vbawutshigutunu,

Dzindzimo 119:55

Pfhumu Nungungulu, nyi ngu alakanya lina lago, vbakari nya wutshigu nya gu landrisa nayo wago.

Dzindzimo 119:62

Nyi na wuga vbakari nya wutshigu nyi gu rungudza, khu kotani nya gulamule gwago gu lulamidego.

Dzindzimo 22:2

Nungungulu wangu, nyi ngu lila vbakari nya mihani, uwe khu nyi hakhi, wutshigu gima kha nyi mani gurula.

Dzindzimo 34:1

Nyi na rungudza Pfhumu Nungungulu gikhati gyatshavbo, Likana langu li na embelela wudhumo waye kala gupindruga.

Dzindzimo 42:8

Aholu Pfhumu Nungungulu litshigu latshavbo a na nyi rumela lihaladzo laye, gasi nyi mu dhumisa vbawutshigutunu khu ndzimo, nyi gira nombelo ga Nungungulu a nyi ningago guvbanya.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 71:7

Nyi gihegiso ga vathu nya vangi, aholu uwe khuwe wuthavelo wangu.

Dzindzimo 77:2

Litshigu nya wuvi, nya gu vbweta Pfhumu; vbakari nya wutshigu, nya gu khusedza mandza nyi lombelela nyamba garala; aholu hefemulo wangu kha wu mani gu tangadziswa.

Dzindzimo 77:6

Nya gu pila wutshigu watshavbo na nyi pimisela silo nya guete, nyi phela gu hingigedzela, nyi dzi wudzisa nyabune, kheni:

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Isaya 30:29

Gasi enu mu na embelela ndzimo, nya gufanane ni eyi yi embeledwago vbawutshigutunu nya buzo nya guage; myonyo yanu yi na nengela kha nga vale va wombago misengele na va gu hongola gigomoni gya Pfhumu Nungungulu, muvhikeli wa Israyeli.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 16:19

Aholu, vaphari vaye na va wone gukhavo va vbeledwe khu thomba va nga bani va gu yi lirela khavbo gwaye, va di mola Pawulo ni Silasi va gu va ndrindrandrindra kala phathani, va gu va ningela ga dzindruna:

Mithumo 16:33

Ni wutshigu wowo, ghadhi yi di va dzega yi va handza silondra, khavbo avbo yi gu bhapatiswa iyo ni vatshavbo va ndrangani gwaye.

Mithumo 5:41

Vapostoli va di duga khu phathani na va tade khu gunengela, kholu Nungungulu a di va ningide wuhigo nya gusaniswe khu kotani nya lina la Jesu.

Varoma 12:12

Nengelani gutumbani, mu timisela sigaradzoni, mu pharisa milombeloni.

Varoma 5:3

Kha hi nengeli basi khesi, ha gu dzi zundza gambe khu kotani nya gusaniseke gwathu, kholu hi ngu dziti nya gukhethu gusaniseka khugo gu girago gutimisela:

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

Vaefeso 5:19

Tiyiselanani khu dzindzimo, ni sizimba, mu gu embelela ni gurungudza Pfhumu khu monyo wanu watshavbo.

Vafilipi 2:17

Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Jakobe 1:2

Vandriyangu, ni gevbini gilingo mu gi manago, tsakani, mu nengela.

Jakobe 5:13

A gu bani a romo muthu vbakari gwanu, a sanisekago, a na lombelele. A gu bani a romo a tsakidego, a na embelele dzindzimo nya gubonge.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.