Mithumo 16:23 - Bhibhiliya Nya Guage

²³ Na va va kwamude ngudzu va di va bedza pasoni, va gu laya nyakasane gu va ghadha gwadi.

Mithumo 16:23 Iomraidhean Croise

Matewu 26:48

Muningeli a di va ningide giyeyedzo gegi: “Wule nyi na gu mu bhejarigo, khuye kamwe; mu moleni.”

Luka 21:12

“Aholu, guphela, si si gu wonegi satshavbo sesi, va na mi molani va mi sanisa, va mi yisa dzinyumbani nya nombelo ni gu mi khothelani mapasoni; mu na yiswa ga vafumeli khu kotani nya lina langu;

Mithumo 12:18

Na gu gugide, gu di manega pfilupfilu vbakari nya masotshwa, khu gu vbweta guti ginani gi nga dugelela Pedro.

Mithumo 12:4

Na mu mode, a di mu khothela pasoni a mu ningela a ghadhwa khu mitsawa mina, tsawa ni tsawa a diri wa masotshwa mana. Na gu hingigedza gu mu ningela mwandrani khu hwane nya Phasika.

Mithumo 16:27

Na yi khendzugide ghadhi yi wona malimba nya lipaso na ma tulegide yi di dzega litshari yi vbweta gu dzi songa, khiyo mwendro sibotshwa si thavide.

Mithumo 16:36

Khavbo avbo, ghadhi yi di embela Pawulo, khiyo: “Vafumeli va gu ruma gu mi tshula, dugani mu hongole khu gurula.”

Mithumo 5:18

va mola vapostoli va gu va thela pasoni.

Mithumo 5:23

“Hi di ya mana malimba na ma khothidwe gwadi, masotshwa mari malangani yawe, aholu, na hi tude, kha ha mana muthu.”

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

Mithumo 9:2

aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

Vaefeso 3:1

Khu kharato, eni Pawulo, gibotshwa gya Kristo khu kotani yanu enu mu si gu Vajudha, nyi ngu lombelela ga Nungungulu.

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

2 Thimoti 2:9

Eni nyi ngu saniseka khu kotani nya Ivhangeli kala nyi hungwa dzitshinga kha nga gighevenga. Aholu, Mahungu ya Nungungulu kha ma hungwi dzitshinga.

Filemoni 1:9

khu lihaladzo nyi ngu gu lomba, eni Pawulo, nyi gu wa kharati, nyi gumbidego, olu nyi khadego gambe gibotshwa gya Kristo Jesu.

Josuwa 4:17

Uye a di va leletela, khuye: “Dugani khu tsongoni wa Joridhani!”

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.