Mithumo 16:19 - Bhibhiliya Nya Guage

¹⁹ Aholu, vaphari vaye na va wone gukhavo va vbeledwe khu thomba va nga bani va gu yi lirela khavbo gwaye, va di mola Pawulo ni Silasi va gu va ndrindrandrindra kala phathani, va gu va ningela ga dzindruna:

Mithumo 16:19 Iomraidhean Croise

Dhaniyeli 6:12

Khavbo avbo, va di hongola vaya tivisa mufumeli, khavo: Ina avbo nya khwepa wago u nga wu dusago, khwa sayina u tiyisa nayo nya gukhuwe watshavbo muthu a na gu girago gilombo ga mumbe nungungulu mwendro ga mumbe muthu, ndrani nya magumararu matshigu, vbavbandze gwago uwe mufumeli, a na dzegwa a rinywa phalani nya dzinghala, gani? Mufumeli a di hakha, khuye: “Mahungu yaya ma tiyide gukhedza khidzo wu rumago khidzo nayo wa Vamedhi ni Vaperesi, wu si kodzwigo gu vbindrugedzwa.”

Matewu 24:9

Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Mithumo 14:19

Va dita Vajudha khu Antiyokiya ni Ikoniya va ta kutsedzela vathu gu va wugela. Va di veta Pawulo khu siwindri, va mu ndrindra va gu duga naye vbavbandze nya lidhoropa khavo fude.

Mithumo 14:5

Va nya mayigo ni Vajudha na va gu thangedwa khu vafumeli vawe, va di hunga gikungo nya gu va poyile ni gu va pfara khu siwindri.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:26

vama va ningedego womi wawe khu kotani nya Lina la Pfhumu Yathu Jesu Kristo.

Mithumo 15:40

Aholu Pawulo, na hathide Silasi a di dongiswa khu vandruye wuhigoni ga Nungungulu a phara ndzila a hongola.

Mithumo 16:16

Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Mithumo 16:20

Va gu va yisa ga vafumeli nya vakhongolo, khavo: “Vama vava Vajudha, aholu va gu wusa pfilupfilu dhoropani gwathu;

Mithumo 16:25

Ni vbakari nya wutshigu, Pawulo ni Silasi va di gira nombelo, va embelela dzindzimo nya gurungudze Nungungulu, simbe sibotshwa si di va yingisela.

Mithumo 16:29

Khavbo avbo, ghadhi yi di lomba kandriya yi gu bela khu guvbiredza na yi gu ndrendremela, yi ya khidzima mawundruni ga Pawulo ni Silasi.

Mithumo 17:6

Na va va hamugile, va di ndrindrandrindra Jasoni ni vambe vandruye va gu hongola navo ga vafumeli vaya, khavo: “Ava vama va wusidego pfilupfilu tigoni gwatshavbo va vbohide ni omu gwathu gambe,

Mithumo 21:30

Gu di manega nyenganyenga dhoropani gwatshavbo, gu di vboha talo nya vathu khu maphuvbo yatshavbo. Khavbo avbo, va di pfinya Pawulo, va mu ndrindrandrindra va duga naye vbavbandze nya Nyumba ya Nungungulu, va sega malimba.

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

Mithumo 9:16

Aholu, eni nyi na mu nonedza tshanisa a na gu yi wonago khu kotani nya lina langu.”

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

Vafilipi 1:30

Olu enu mu ngu hengela ni eni gu dwana litunga la limwedo mu nyi wonego na nyi gu dwana, kala ni olu nyi nga gu simamago gu dwana, kha nga mu dzitigo.

1 Vatesalonika 2:2

Ambari hi nga hegula khu gu saniseka, hi vadwa tigoni ga Filipi, kha nga mu dzitigo, Nungungulu wathu a di hi ninga gutiya ni tshivba nya guhongole hiya ganela Mahungu nya Yadi tigoni gwanu, vbakari nya sigaradzo nya singi.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?