Mithumo 16:17 - Bhibhiliya Nya Guage

¹⁷ A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

Mithumo 16:17 Iomraidhean Croise

Dzindzimo 57:2

Nyi na rana Nungungulu a Khusegidego ngudzu, nyi rana Nungungulu a nyi phasago satshavbo.

Dzindzimo 78:35

Khavbo va nga bani va alakanya gukhavo Nungungulu Muvhikeli wawe, ni gukhavo uye a guromo vbatshani ngudzu, khuye mudzegisi wawe.

Dhaniyeli 3:26

“U na rungudzwe ni gu dhumiswa Uwe Pfhumu Nungungulu wa vababe vathu! Lina Lago li na khusedzwe ndrani nya mazanazana nya myaga!

Dhaniyeli 3:28

U lamude khu gululama ga satshavbo U hi giredego, ni ga satshavbo U giredego lidhoropa nya guage la vababe vathu, Jerusalema; si di girwa khu gulamula gwago nya gululame, gu kala u hi ninga tsayiso yatshavbo yeyi, kotani nya sighoho sathu.

Dhaniyeli 4:2

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Jona 1:9

Uye a di va hakha, khuye: “Eni nyi Muhebheru, nya gu khozela Pfhumu Nungungulu wa Ndzadzini, a vangidego linene ni mafu nya gubange.”

Mikeya 6:6

Ginani nyi yelago gu hongola nagyo ga Pfhumu Nungungulu, nyi ya noga mbeli ga Nungungulu a Khusegidego ngudzu? Nyi nata mu ninga miphaso nya guvbiswe, gimombyana nya mwaga moyo, gani?

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Marko 12:14

Na va vbohide, va di khavo: “Muhevbudzi, hi ngu dziti nya gukhethu u muthu nya lisine, khu thavi muthu kholu khu khedzi giemo nya muthu, aholu wa gu hevbudza ndzila ya Nungungulu, kha nga idzo li lombago khidzo lisine. Hi na ni fanelo nya gulivbe khupho ga Sezari mwendro hi mwalo? Hi livba, mwendro hi nga livbi?”

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Luka 1:77

Gufela gu tivisa guvbanyiswa ga vathu vaye, a gu gutsetseledwa nya sighoho,

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

Luka 20:21

Ava va diya mu wudzisa, khavo: “Muhevbudzi, hi ngu dziti nya gukhethu u ngu hevbudza nya dzadi, khu hatheli vathu; wa gu hevbudza ndzila ya Nungungulu kha nga idzo li lombago khidzo lisine.

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.

Luka 8:28

Na wonide Jesu, a di dzi thesa migondroni gwaye, na gu gulumela khu tshivba, khuye: “Ginani nyi nga gu ghohela, Jesu, Mwamana wa Nungungulu a Khusegidego ngudzu? Nya gu lomba gukheni u nga nyi tshanisi.”

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Mithumo 18:26

A di phela gu ganela khu gu tiya nyumbani nya nombelo. Prisila ni Akila, na va mu pwide, va di mu dzega va gu mu sasamedzela gwadi ndzila ya Nungungulu.

Mithumo 19:13

Vambe Vajudha va nga bani va gu legalega va gu tutumisa maphuvbo nya guvivbe, va di lingedzela navo gu thumisa khu lina la Jesu gasi gu vbanyisa vale va nga bani va mbakidwe khu maphuvbo nya guvivbe, va di ganela, khavo: “Eni nyi ngu mi ruma khu lina la Jesu, oyu Pawulo a ganelago khu Uye.”

1 Pedro 2:16

Vbanyani nga vathu nya gutshulege; mu dzega gutshulega mu gu gira gilo nya gusihe guvivba; aholu vbanyani nga sithumi sa Nungungulu.

2 Pedro 2:2

Vathu nya vangi va na simama gu vbanya mavbanyelo nya guvivbe. Khu kotani nya avo, vathu nya vangi va na ganela guvivba khu ndzila nya lisine.