Mithumo 16:16 - Bhibhiliya Nya Guage

¹⁶ Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Mithumo 16:16 Iomraidhean Croise

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Levhi 19:31

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu.

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mithumo 16:13

Khu litshigu nya Sabhadho hi di duga khu dhoropani hi hongola vbavbandze vbafuvbi ni tsongo avbo hi nga alakanya gukhethu womo wulanga va girelago avbo nombelo Vajudha. Na hi khade, hi di ganela ga vanyamayi va nga bani va tshanganide.

Mithumo 16:18

A di gira esi matshigu nya mangi. Khavbo avbo, Pawulo khu gu garala a di thendregedza a ganela ga liphuvbo, khuye: “Khu lina la Jesu Kristo nyi ngu gu ruma: Diga nyamahegyane yoyo.” Khu gikhati gyogyo gikwembu gi di mu diga.

Mithumo 16:19

Aholu, vaphari vaye na va wone gukhavo va vbeledwe khu thomba va nga bani va gu yi lirela khavbo gwaye, va di mola Pawulo ni Silasi va gu va ndrindrandrindra kala phathani, va gu va ningela ga dzindruna:

Mithumo 19:24

Mwama moyo nya gupwani khu Dhemetriyo, mupfhuli nya parata, a di gu thuma gu gira sifananiso nya ndrumba ya Aritemisa khu parata. A di gira wugwewo nya bhindzu nya yikhongolo ngudzu, a fuma uye ni vatshavbo a nga bani a gu thuma navo.

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

2 Thimoti 3:8

Nga olu Janesi ni Jambiri va nga wugela Mosi, ava navo va wugede lisine, vathu nya mapimo nya gufe ni gukhodwa vbadugwana.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

1 Samuweli 28:3

Khu gikhati gyogyo, Samuweli a di fude, va na Israyeli vatshavbo va di gu lila Samuweli na va mu dzingide dhoropani a nga velegedwago umo; Sawule a di lundride vatshavbo va nya wunyanga ni va nya dzisolo.

1 Samuweli 28:7

Khavbo avbo, Sawule a di embela sithumi saye, khuye: “Nyi vbweteleni nyamayi a gu na ni sikwembu, gasi nyi ya mu wudzisa.” Sithumi saye si di mu embela, khiso: Womo nyamayi moyo tigoni ga Eni-Dhori a gu ni liphuvbo nya gusasule.