Mithumo 16:14 - Bhibhiliya Nya Guage

¹⁴ Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 16:14 Iomraidhean Croise

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Gizimba 5:4

Gigodwa gyangu gi di bedza libogo khu vbagihogoni, monyo wangu wu di tala khu lihaladzo laye.

Isaya 50:5

Mune, Pfhumu Nungungulu a nyi tude dzindzeve gasi nyi yingisa, aholu eni kha nya bomba; ambari gu bwelela hwane.

Luka 24:45

Khu vbale, a di va tula mapimo, gasi va pime Milowo,

Johane 12:20

Vbakari nya vale va ngaya Jerusalema gasi guya khozela litshigu lile nya buzo, va diromo navo Vagreki.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 16:40

Na va dugide khu pasoni, va di hongola ndrangani ga Lidhiya, va di wona vandruye, va gu va tiyisela, va phara ndzila va hongola.

Mithumo 18:7

Na hambane navo, a di ya khala ndrangani ga mwama moyo nya gupwani khu Justo. Mwama a nga bani a gu khozela Nungungulu, ndranga yaye yi diri vbafuvbi ni nyumba nya nombelo.

Mithumo 8:27

Filipi a di khuga a phara ndzila a hongola. Khavbo avbo, moyo nya thenwa nya Muetiyopi, ndruna nya guthavisege ya Kandasi, mufumeli nya nyamayi wa Etiyopiya, a diri muthangeli nya thomba yatshavbo ya mufumeli. A di endrede Jerusalema guta khozela Nungungulu.

Varoma 9:16

Kholu kha pimi khu gugola mwendro khu gu dzi garadza nya muthu, aholu a gu pima khu guhaladza gwaye basi.

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

Gutuledwa 1:11

na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye: