Mithumo 16:12 - Bhibhiliya Nya Guage

¹² Khu vbale hi di vboha Filipi, lidhoropa nya likhongolo la tigoni ga Makedhoniya gu nga bani gu fumwa khu Roma. Hi khade matshigwana nya gukari dhoropani mule.

Mithumo 16:12 Iomraidhean Croise

Mithumo 16:10

Khu hwane nya giwoniso gile, hi di khuga hi phara ndzila hi gu hongola Makedhoniya na hi gu tumba gukhethu Nungungulu a di hi rana guya tshumayela iyo Ivhangeli.

Mithumo 16:21

Va gu hevbudza mavbanyelo ethu hi si yeligo gu ma hakha ni gu ma landrisa, kholu hi varoma.”

Mithumo 16:9

Ni wutshigu, Pawulo a di wona giwoniso: Mwama moyo wa Makedhoniya na emide a di mu lomba, khuye: “Delu Makedhoniya u ta hi phasa”

Mithumo 18:5

Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 19:21

Khu hwane nya satshavbo sesi, Pawulo a di hunga gikungo nya guvbindre khu Makedhoniya ni Akaya a hongola Jerusalema, a ganela, khuye: “Hwane nya gu bani nyi vbohide Jerusalema, nyi fanede gu hongola nyi ya wona gambe Roma.”

Mithumo 19:29

Pfilupfilu yi di phalalega ni lidhoropa latshavbo. Vathu nya vangi va di tutumela guya nyumbani nya mihagano, na va mode Gayo ni Arisitariko va Makedhoniya, vabangaladzi va Pawulo.

Mithumo 20:1

Na li vbede ligwaha, Pawulo a di rana vapizane a va ninga sileletelo. A di va vbangana, a gu phara ndzila a hongola tigoni ga Makedhoniya.

Mithumo 20:3

iyo a ngaya khala migima miraru. Vajudha va di hunga gikungo nya gu musonge, gikhati a nga dzi dongisela gu khilela ngalava a gu hongola Siriya. Pawulo na tugude, a di bwelela khu ndzila ya Makedhoniya.

Mithumo 20:6

Gasi ethu, na wu vbindride buzo nya sibaba nyambana mela, hi di khilela ngalava hi khuga dhoropani ga Filipi, hi gimbila livbandre matshigu, hiya vboha Trowade, hiya manana navo, hi khala semana rumba.

Mithumo 27:2

Hi khilelede siwoni ga Adharamata ngalava yi nga bani yi gu hongola masiwoni ya bambe ga Aziya. Hi diri ni moyo nya gupwani khu Arisitariko nya givelegwa gya Tesalonika, lidhoropa la tigoni ga Makedhoniya.

Varoma 15:26

Kholu vakhodwa va Makedhoniya ni Akaya va di pwanana va gu gira mihengo gasi guya phasedzela vandruye nya sisiwana nya Libandla la Nungungulu li guromo Jerusalema.

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

Vafilipi 1:5

khu kotani nya wuhengeli wanu ni eni thumoni momu nya gutshumayale Mahungu nya Yadi, gukhugela litshigu nya guhegule kala muhuno.

1 Vatesalonika 2:2

Ambari hi nga hegula khu gu saniseka, hi vadwa tigoni ga Filipi, kha nga mu dzitigo, Nungungulu wathu a di hi ninga gutiya ni tshivba nya guhongole hiya ganela Mahungu nya Yadi tigoni gwanu, vbakari nya sigaradzo nya singi.