Mithumo 15:4 - Bhibhiliya Nya Guage

⁴ Na va vbohide Jerusalema va di hakhwa gwadi khu libandla, ni Vapostoli, ni madhota, va tshamusela siliwugiso Nungungulu a nga girago khu avo.

Mithumo 15:4 Iomraidhean Croise

Matewu 10:40

“Uye a mi hakhago, kheni a nyi hakhago; gasi uye a nyi hakhago a ngu hakha Wule a nga nyi rumelago.

Mithumo 11:30

Va di gira kharato va si rumela ga madhota khu mandzani ga Bharinabha ni Sawule.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Mithumo 15:12

Khavbo avbo, gu di gira kape libandla latshavbo. Va yingisa Bharinabha ni Pawulo na va gu tshamusela siwoniso ni siliwugiso satshavbo Nungungulu a nga girago khu avo vbakari nya va nya mayigo.

Mithumo 15:2

Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 15:6

Vapostoli ni madhota va di tshangana gasi gu hevbula mahungu yaya.

Mithumo 16:4

Madhoropani va nga vbindrago khumo, va di ningela sileletelo sa vapostoli ni madhota ya Jerusalema, va gu va khongotela gu si landrisa.

Mithumo 18:27

Kha nga a nga bani a gu vbweta gu hongola tigoni ga Akaya, vandruye va di mu tiyisela, va gu lova lidangalila ga vapizane gasi va mu hakhe. Na vbohide a di gira, khu wuhigo wa Nungungulu, giphaso nya gikhongolo ga vakhodwa.

Mithumo 21:17

Gikhati hi nga vbohago Jerusalema, vandruye va di hi hakha khu gunengela.

Mithumo 21:19

Khavbo avbo, Pawulo a di va losa, a va tshamusela gwadi satshavbo esi Nungungulu a giridego khavbo gwaye vbakari ga va nya mayigo.

Varoma 15:18

Eni kha nyi tiyeli gu ganela khu simbe silo vbavbandze nya esi Kristo a thumidego khu mandza yangu gasi gu wuyisa va nya mayigo vata khodwa ga Nungungulu. Esi si giregide khu magana ni mithumo,

Varoma 15:7

Khavbo avbo, hakhanani khu gyanu kha nga Kristo a mi hakhidego, gasi a dhumiswe Nungungulu.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

2 Vakorinto 5:19

Kholu Nungungulu khuye a nga tshanganisago litigo ni Uye, khu ga Kristo, gambe kha khedza khu sighoho nya vathu, a di vega maganani gwathu mahungu nya gutshanganise.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Vakolosi 4:10

Arisitariko, a khothedwego gumogo ni eni, a ngu mi losedzela, a nuye Marko, ndruye wa Bharinabha. Gasi khu mahungu ya Marko, nyi mi ningideni sileletelo nya gukheni a guta mi holela, mu hakheni gwadi.

2 Johane 1:10

Muthu a guta iyo gwanu nyamba resa gihevbudzo gya Kristo, mu nga mu hakhi dzindrangani gwanu, ni gu mu losa mu nga mu losini.