Mithumo 15:32 - Bhibhiliya Nya Guage

³² Judha ni Silasi va nga bani vari vaprofeti navo, va di luleka vandruye va gu va tiyisela khu magana nya mangi.

Mithumo 15:32 Iomraidhean Croise

Dhaniyeli 11:1

Gasi eni, nyi di khuga nyi mu tiyisela khu mwaga nya guhegule nya gufume ga Dhariyo, Mumedhi.

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Luka 11:49

Khidzo kharati Guti ga Nungungulu gu nga khugo: ‘Nyi na va rumela vaprofeti ni vapostoli. Vambe va na va songa, vambe va na va sanisa.’

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 11:27

Khu matshigu yale, Vaprofeti nya gukari va di relela khu Jerusalema va guta Antiyokiya.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Mithumo 15:1

Va di relela khu Judheya va ta Antiyokiya vathu va ngata hevbudza vandruye, khavo: “Mwa gumba hana wugwera, ni gu landrisa Nayo wa Mosi, gima kha mu na dzi kodza gu vbanyiswa.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:27

Khavbo avbo, hi ngu mi rumelani Judha ni Silasi, avo va na ta ganela khu magana yawe mahungu yaya ya mamowo.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 15:31

Na va li hevbude, va di nengela khu gu tiyisedwa va gu manego.

Mithumo 15:41

A di vbindra khu Siriya ni Silisiya a tiyisela mabandla.

Mithumo 18:23

Na khade iyo gipimo nya gukari, a di bwelela nya luphye, a gimbila khu madhoropani yatshavbo ya tigoni ga Galatiya ni Firijiya, a tiyisela vapizane vatshavbo.

Mithumo 2:40

Khu magana yaya ni mambe nya mangi, Pedro a di gu fakaza ni gu va tiyisa, khuye: “Dzi vbanyiseni ga melana yoyu nya guwegele.”

Mithumo 20:2

A di vboha malangani yatshavbo a holela ni gu tiyisela vandruye khu magana nya gululeke. A khuga khavbo aya vboha tigoni ga Gresiya;

Varoma 12:6

Muthu ni muthu a na ni giningwa gyaye, khavbo nya wuhigo a ningidwego khu Nungungulu. Oyu a ningidwego gu tivisa mahungu ya Nungungulu, a na thume maningano ni gukhodwa gwaye.

Varoma 12:8

oyu a ningidwego wusingalagadzi, a na laye; oyu a ningidwego gukabanisela silo, a na kabanisele khu wuhindzi; oyu a rumago, a na rume khu mapimo; ni oyu a ningidwego sisiwana, a na thume na tsakide.

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

1 Vakorinto 14:29

Vaprofeti vavili mwendro vararu va na tivisa mahungu ya Nungungulu, vambe va ninga mawonelo yawe khu esi si nga ganedwago.

1 Vakorinto 14:3

Gasi oyu a tivisago mahungu ya Nungungulu, a gu ganela ga vathu a ngu vbaha ni gu laya ni gu tangadzisa.

1 Vakorinto 14:32

Gambe giningwa nya gutivise mahungu ya Nungungulu gya gu wonwa khu vambe vaprofeti.

Vaefeso 3:5

Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

1 Vatesalonika 2:11

Enu mu ngu dzitini nya gukhenu hi mi layide moyo ni moyo nga babe a layago gyanana gyaye.

1 Vatesalonika 3:2

nyi mi rumelani Thimoti, ndriyathu a guromo thumoni wa Nungungulu, a tshumayela Mahungu nya Yadi ya Kristo. Nyi mu rumide guta mi tivisani ni gu mi phasani gukhodwa gwanu,

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.

1 Vatesalonika 5:14

Vandruye, hi ngu mi lomba gambe, kawukani va nya mihudzuri, tiyiselani ava va rerekago, sayisani vadwali, mu hunisela vatshavbo.

1 Vatesalonika 5:20

mu nga yeyisi vaprofeti.

2 Vatesalonika 3:12

Vathu vovo, hi ngu va khongotela ni gu va laya khu lina la Pfhumu yathu Jesu Kristo, gukhethu va na thume khu gurula, va hodze guhodza nya lithonga lawe.

1 Thimoti 2:1

Guhegula, nya gu lomba gukheni milombelo ni gu lomba ni gulombelela ni gubonga yi na giredwe vathu vatshavbo ga Nungungulu,

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

1 Pedro 5:12

Nya gu mi lovela lidangalila leli na nyi gu phasedzedwa khu Silivhano, uye khu mawonelo yangu a gu ndruye nya gutumbege. Nya gu vbweta gu mi tiyisela ni gu mi ningani wufakazi nya gukheni makategwa mu ma hakhidego giyeyedzo nya lisine nya wuhigo wa Nungungulu. Simamani mu tiya ga wuhigo wowo.