Mithumo 15:22 - Bhibhiliya Nya Guage

²² Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:22 Iomraidhean Croise

2 Samuweli 3:36

Vathu vatshavbo va di pwisisa ga mahungu yaya, kholu a diri silo nya guzundzege avbo gwawe.

2 Dzikoronika 30:12

Mandza ya Nungungulu, ma diri gumogo ni vathu va Judha, va pwanana khu monyo moyo, gasi va gira sileletelo sa mufumeli ni sa manganagana yaye, mayelano ni magana ya Pfhumu Nungungulu.

2 Dzikoronika 30:4

Satshavbo sesi, si di wonega na si lulamide mahoni ga mufumeli ni mahoni ga vathu.

Mithumo 1:23

Khavbo avbo, va di hatha vama vavili: Josefe a nga bani a gu ranwa pwani Bharisabha, na gu tidwa khu lina la mululami, ni Matiya.

Mithumo 11:19

Ga gikhati gyogyo, vakhodwa va di phalalegide khu kotani nya tshanisa yi nga dugelela hwane nya gusongwe Sitefane. Va di vboha kala Fenisiya, Kipre ni Antiyokiya, va gu hevbudza mahungu ya Nungungulu ga Vajudha basi.

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 11:22

Mahungu yawe ma di pwala ga libandla la Jerusalema. Khavbo avbo, va di rumela Bharinabha gu hongola kala Antiyokiya.

Mithumo 11:27

Khu matshigu yale, Vaprofeti nya gukari va di relela khu Jerusalema va guta Antiyokiya.

Mithumo 15:23

Va di va ninga lidangalila leli, khavo: “Ethu vapostoli ni madhota, hi gu vandriyanu, hi ngu mi losani enu mwatshavbo vandruye va nya mayigo mu vbanyago Antiyokiya, ni Siriya, ni Silisiya. Seweni!

Mithumo 15:25

hi hungide khu monyo moyo gu hatha madhota hi ma rumela iyo gwanu gumogo ni Bharinabha ni Pawulo,

Mithumo 15:27

Khavbo avbo, hi ngu mi rumelani Judha ni Silasi, avo va na ta ganela khu magana yawe mahungu yaya ya mamowo.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 15:30

Vale va nga rumedwago, va di relela Antiyokiya, na va vbohide, va di tombanisa libandla, va gu ningela lidangalila.

Mithumo 15:32

Judha ni Silasi va nga bani vari vaprofeti navo, va di luleka vandruye va gu va tiyisela khu magana nya mangi.

Mithumo 15:40

Aholu Pawulo, na hathide Silasi a di dongiswa khu vandruye wuhigoni ga Nungungulu a phara ndzila a hongola.

Mithumo 16:19

Aholu, vaphari vaye na va wone gukhavo va vbeledwe khu thomba va nga bani va gu yi lirela khavbo gwaye, va di mola Pawulo ni Silasi va gu va ndrindrandrindra kala phathani, va gu va ningela ga dzindruna:

Mithumo 16:25

Ni vbakari nya wutshigu, Pawulo ni Silasi va di gira nombelo, va embelela dzindzimo nya gurungudze Nungungulu, simbe sibotshwa si di va yingisela.

Mithumo 16:29

Khavbo avbo, ghadhi yi di lomba kandriya yi gu bela khu guvbiredza na yi gu ndrendremela, yi ya khidzima mawundruni ga Pawulo ni Silasi.

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 17:14

Khavbo avbo, vandruye va di dzega Pawulo khu guvbiredza va gu hongola naye siwoni, gasi Silasi ni Thimoti va di tshala.

Mithumo 17:4

Vambe vbakari gwawe va di dzumela, va gu bela tsawani wa Pawulo ni Silasi, gumogo ni gidzemo nya gingi nya vathu nya githawo ga Nungungulu, ni Vagreki ni vanyamayi nya ndruda.

Mithumo 18:5

Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 8:14

Vapostoli va nga bani va romo Jerusalema, na va tivisidwe gupwani Samariya va hakhide magana ya Nungungulu, va di rumela iyoyo Pedro ni Johane.

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

1 Vatesalonika 1:1

Eni Pawulo, ni Silivhano ni Thimoti, hi ngu losa libandla nya vathu va Nungungulu va vbanyago dhoropani ga Tesalonika, na hi patane khu lihaladzo la Nungungulu, ni la Pfhumu yathu Jesu Kristo, hi ngu mi suvela wuhigo ni gurula.

2 Vatesalonika 1:1

Eni Pawulo ni Silivhano ni Thimoti, hi ngu losa libandla nya vathu va Nungungulu va vbanyago dhoropani ga Tesalonika, na hi patane khu lihaladzo la Nungungulu, Babe wathu, ni Pfhumu Jesu Kristo,

1 Pedro 5:12

Nya gu mi lovela lidangalila leli na nyi gu phasedzedwa khu Silivhano, uye khu mawonelo yangu a gu ndruye nya gutumbege. Nya gu vbweta gu mi tiyisela ni gu mi ningani wufakazi nya gukheni makategwa mu ma hakhidego giyeyedzo nya lisine nya wuhigo wa Nungungulu. Simamani mu tiya ga wuhigo wowo.